HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 2 38 Hilâl-i Ahmer'e Teşekkür Bir buçuk seneden beri şehrimizde icrâ-yı faʻâliyet eden Amerika Salîb-i Ahmer Cemʻiyeti'nin şuʻbe-i mahsûsası, merkezinden aldığı taʻlîmât üzerine geçen Eylül'ün nihâyetinde şarkdaki faʻâliye- tini hitâma erdirmişdir. Şuʻbe-i mezkûrenin, keyfiyetden Hilâl-i Ahmer'i haberdâr etmek üzere yazdı- ğı mektûbdan cemʻiyetimize taʻalluk eden âtîdeki fıkrayı maʻa'l-mesâr iktibâs ediyoruz: "-İstanbul'daki faʻâliyetimizin ibtidâsından yani bir buçuk seneden beri müştereken çalışdı- ğımız muhtelif zamânlarda hakkımızda gösterdiğiniz teshîlât ve muʻâvenetden dolayı size teşekkür etmemiz, merkez-i umûmîmizin cümle-i temenniyâtındandır". _______________ Amerika Salîb-i Ahmer Cemʻiyeti'nin Hilâl-i Ahmer'e Muʻâveneti Şehrimizde icrâ-yı faʻâliyet eden Amerika Salîb-i Ahmer Şuʻbesi geçen Eylül'ün on beşinde Hilâl-i Ahmer'e yedinci defalık teberruʻ olmak üzere takrîben 300 tonilato hacminde eşyâ ve malze- me-i sıhhiye ile hasta nakline mahsûs müstaʻmel bir otomobil ve yük taşımağa mahsûs müstaʻmel bir kamyon ihdâ etdi. Hilâl-i Ahmer, teberruʻ-ı vâkiʻden dolayı Amerika Salîb-i Ahmeri'ne alenen arz-ı şükrân eder. _______________ Davudpaşa Kışlası'ndaki Muhâcirîn Çocukları Müsâfireten şehrimizde bulunan Beynelmilel Çocukları Himâye Cemʻiyeti Müfettişi Mösyö Armstrong, refâkatinde Beynelmilel Salîb-i Ahmer Merkezi'nin Dersaadet delegesi Mösyö Burnier ve Hilâl-i Ahmer Merkezi meʼmûrlarından Ali Macid Bey olduğu hâlde geçen 5 Eylül târîhine musâ- dif Pazartesi günü Davudpaşa Kışlası'ndaki muhâcirîn çocuklarını ziyâret etmiş ve bu zavallı yavru- ların ahvâli hakkında bazı maʻlûmât almışdır. Maʻlûm olduğu vechile bu kışladaki muhâcirler, Hilâl-i Ahmer tarafından iʻâşe edilmekdedirler. _______________ Doktor Hikmet Bey Hilâl-i Ahmer Cemʻiyeti'nin Anadolu'da Ankara'daki heyʼet ve muʻâmelâtını teftîş etmek üzere Kurbân Bayram'ının birinci günü Ankara'ya azîmet etdiğini yazmış olduğumuz Hilâl-i Ahmer Kâtib-i Umûmîsi Doktor Hikmet Beyefendi, bu mühim vazîfesini bi'l-ikmâl geçen Eylül'ün dördüncü günü Dersaadet'e avdet etmişdir. _______________ Hilâl-i Ahmer'e Teberruʻ Erenköy İstasyonu civârında dükkâncı [28] Halid Efendi tarafından cemʻiyetimize güzel korni- zeli cesîm bir yağlıboya tablo ihdâ edildi. Hilâl-i Ahmer bu muhterem müteberriʻe arz-ı teşekkür eder.