HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 2 39 _______________ Hilâl-i Ahmer Merkez-i Umûmîsi'nin Eylül [1]337 [1921] ictimâʻında ittihâz eylediği mukar- rerâtın başlıcaları: 1-Amerika Şark-ı Karîb Muʻâvenet Heyʼeti'nden, İzmit Körfezi ahâlîsinin iskânına mahsûs ba- rakalar inşâsının iltimâs edilmesi 2-Üserâya dâir son konferansda ittihâz olunan karârlardan bahsederek Ankara nezdinde tavas- sutda bulunulması 3-Hindistan kadınlarına gönderilen beyânnâmeden dolayı Hilâl-i Ahmer Hanımlar Merkezi'ne teşekkür edilmesi 4-Maʻlûlîn-i Askeriyeye Muʻâvenet Heyʼeti'nden istiʻfâ eden Mehmed Ali Bey'in yerine diğer bir aʻzâ taʻyîninin şimdilik teʼhîr edilmesi 5-Kırım Müslümânlarının Muʻâvenet Cemʻiyeti'ne iʻâneten 100 lira iʻtâ edilmesi 6-Dersaadet Yunan Fevkalâde Komiserliği'ne mürâcaʻatla Eskişehir'deki Hilâl-i Ahmer Has- tahânesi'nin teʼmîn-i idâmesine teşebbüs edilmesi 7-Kadıköy Hilâl-i Ahmer Şuʻbesince taleb olunan rıhtım üzerindeki arsanın bilâ-bedel elde edilip edilemeyeceği keyfiyetinin tahkîk etdirilmesi 8-Kadıköy Hilâl-i Ahmer Şuʻbesince Selimiye'deki muhâcirînin iʻâşesine iştirâk edilmesinden dolayı şuʻbe-i mezkûreye iblâğ-ı teşekkür edilmesi 9-Muhâcirîn Müdüriyet-i Umûmiyesince taleb olunan eczâ-yı tıbbiyenin iʻtâsına imkân olma- dığından keyfiyetin alâkadâr makâma teblîğ edilmesi 10-Hastabakıcılık mesʼelesi hakkında Fen Komisyonu raporlarının kabûlü ile mezkûr komisyo- nun mârru'z-zikr raporun tatbîkâtı husûsunda dahi ittihâz mukarrerâta daʻvet edilmesi 11-Kabûle iktirân eden taltîfât cedvelinin makâm-ı âidine arz u takdîm olunması. SALÎB-İ AHMERLER HAVÂDİSİ İngiltere Numûne-i İmtisâl İttihâz Edilecek Bir Salîb-i Ahmer Cemʻiyeti Daha -Ahâlîmizin nazar-ı dikkatine- İngiliz Salîb-i Ahmer Cemʻiyeti tarafından ahîren neşrolunan büyük bir raporun bir nüshası Hilâl-i Ahmer'e dahi irsâl edilmişdir. Harb-i Umûmî ve Mütâreke zamânlarından bâhis olan bu rapo- run İngiliz Salîb-i Ahmerince cemʻ edilen iʻânâta âid olan kısmı gâyet mühim olduğundan hulâsaten iktibâs ediyoruz: İngiltere'de 1915 senesi Şubat'ından 1919 senesi Kânûn-ı Evvel'ine kadar cemʻ olunan İngiliz Salîb-i Ahmer iʻânesinin yekûnu on altı buçuk milyon İngiliz lirasına bâliğ olmuşdur. Bu cesîm [29] meblağın başlıca menâbiʻ-i vürûdu şunlardır: