HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 2 40 1-İʻâne komitelerinin faʻâliyet-i şahsiyeleriyle elde edilen vâridât 2-İʻlânlar neşriyle istihsâl olunan vâridât 3-Salîb-i Ahmer gününün vâridâtı 4-Sokak iʻânelerinden mütehassıl vâridât 5-İʻânât-ı husûsiye vâridâtı 6-Kilise iʻâneleri vâridâtı 7-Salîb-i Ahmer'e terk ve teberruʻ edilmiş olan mücevherâtın satışından husûle gelen vâridât 8-Esnâf cemʻiyetleri aralarında cemʻ olunan iʻânâtdan ibâret vâridât 9-Salîb-i Ahmer menfaʻatine verilen tiyatro, sinema, konser hâsılâtıyla halkça oynanılan tenis, kâğıd ve buna mümâsil oyunlardan husûle gelen vâridât 10-Salîb-i Ahmer menfaʻatine terk ve teberruʻ edilen eski şarâb ve eski meşrûbâtın bi'l-müzâ- yede satılmasından mütehassıl vâridât Rapor, bu cesîm meblağın cemʻi husûsunda en çok hizmeti sebk eden âmilin "matbûʻât" oldu- ğunu husûsî bir minnetdârlık ile kayıd ve zikrediyor. Amerika -Yine ahâlîmizin nazar-ı dikkatine- Harb faʻâliyetinden sulh faʻâliyetine geçen Amerika Salîb-i Ahmeri 1922 senesine âid sulh bü- dcesini tanzîm etmekle meşgûldür. Buna müteʻallik olmak üzere neşretdiği bir beyânnâmede bast u tafsîl edilen icrâât programını ber-vech-i zîr telhîs ediyoruz: "-Amerika Salîb-i Ahmeri memleket dâhilindeki hidemâtından başka bir de maʻlûlîn ve âileleri- nin refâh u saʻâdetlerini teʼmîn etmek husûsunda hükûmete muʻâvenet eylemeği tasavvur ediyor. Bu mühim hizmet-i milliyeyi kuvveden fiʻle çıkarmak için senede 10.000.000 dolara ihtiyâc var. Amerika Salîb-i Ahmeri, umûmî hıfz-ı sıhhat esâsları, ev hıfz-ı sıhhati, hastalara tatbîk edilecek ilk takayyüdât, hastabakıcı yetişdirmek gibi muʻtâd ve anʻanevî hizmet sâhalarını tevsîʻ edecekdir. Amerika Salîb-i Ahmeri'nin Avrupa'daki teşkîlâtına nihâyet verilmek üzeredir. Bu mededkâr Salîb-i Ahmer Cemʻiyeti'nin Avrupa'daki müstakbel vazîfesi fakîr ve muhtâc hastaları tedâvî ve bî-vâye ço- cukları ilbâs etmekden ibâret olacakdır. Bu gâyeyi elde etmek için dünyadaki bütün Amerikalılar, Amerika Salîb-i Ahmer Cemʻiyeti'ne aʻzâ kaydolunmağa daʻvet olunur". Amerika Salîb-i Ahmeri'nin tek bir işe tahsîs eylediği bu 10.000.000 dolar, bizim paramıza tah- vîl edilince takrîben 17.000.000 Osmanlı lirasına bâliğ oluyor. Faʻtebirû!... Japonya Umûmî Harb'den daha yeni çıkan Japonya Salîb-i Ahmeri, sulh işleriyle de iştigâl edebilmek için nizâmnâmesinde bazı taʻdîlât icrâ [30] etmiş ve taʻdîlât-ı vâkıʻa Japon Salîb-i Ahmeri Meclis-i Umûmîsi'nde birçok münâkaşâtdan sonra rehîn-i kabûl olmuşdur. Bu taʻdîlâtın aleyhinde olanlar,