HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 2 41 Salîb-i Ahmerlerin bilhâssa mecrûhîn-i askeriyeye muʻâvenet etmek maksadıyla teşekkül etdiği fikri- ni ileriye sürmüşler ise de vekâyiʻe vâkıf olanlar, Japonya Salîb-i Ahmeri'nin umûr-ı askeriye hâricin- deki ahvâlde de muʻâvenetde bulunduğunu ve bu kabîl muʻâvenetlerin 1890 senesinde Japonya'nın Kii sâhilinde kayalara çarpmış olan Ertuğrul nâm Osmanlı fırkateyninin 1 âfetzedegânına ibzâl olunan yardım ile başladığını zikretmişlerdir. İsveç İsveç Salîb-i Ahmeri, vâridâtını tezyîd etmek için Salîb-i Ahmer Haftası nâmıyla bir vâridât haftası ittihâz etmişdir. Bu haftanın takrîben 730.000 İsveç kronuna bâliğ olan vâridâtı tertîb edilen 127 kilise âyîni, 111 konferanslı mekteb müsâmeresi, 2.180 konser, açık havâda yapılmış 80 spor eğlencesi, 119 tiyatro ve sinema eğlencesi, 165 muhtelif müsâmere sâyesinde elde edilmiş ve bütün tertîbâta ve eğlencelere 390.000 kişinin iştirâk eylediği anlaşılmışdır. Belçika Belçika Salîb-i Ahmer Cem‘iyetince Belçika hidemât-ı tıbbiyesine tahsîs edilmek üzere Cemâhîr-i Müttefika-i Amerika'ya sipâriş edilmiş olan 1,17 gram radyum geçen ay Brüksel'e vârid olmuş ve bu kıymetdâr devâ 900.000 frank mukâbilinde elde edilmişdir. Husûsî tüplere vazʻ olunan bu "ma‘den-i girân-bahâ" muhtâc hastaların emrine âmâde bulundurulmak üzere Belçika Salîb-i Ah- mer Enstitüsü'nde mevki‘-i i‘tibâra konulmuşdur. Norveç Norveç Stortingi yani Meclis-i Meb‘ûsânı, Norveç Salîb-i Ahmer Cem‘iyeti'ne 40.000 norveç kronluk bir ikrâmiye tahsîs ve i‘tâsına karâr vermişdir. Mezkûr meclisdeki bütün siyâsî fırkalar müt- tefikan bu ikrâmiye lehinde i‘tâ-yı reʼy eylemişlerdir. _______________ SAMANLIDAĞ ŞİBH-İ CEZÎRESİ MUHÂCİRLERİ (Birinci numaradan mâba‘d) Ali Macid Bey'in Yalova seyâhatine dâir yazdığı dördüncü rapordan âtîdeki parçaları alıyoruz: "-Yunan fecâyi‘inin daha elîm bir şekil alması üzerine bütün Samanlıdağ şibh-i cezîresinin tahliyesi takarrür etdiğinden, sûret-i icrâsı hakkında İngiliz karârgâh-ı umûmîsinde heyʼete refâkat edecek olan Mîralây Spencer nezdinde bi'l-ictimâ‘ evvelen Gemlik'e gidilerek Yunan On Birinci Fır- ka Kumandanı General Leonardopulos'a mürâca‘at edilmesi tensîb edildi. 2 Haziran 1337 [1921] târîhine musâdif olan Perşembe günü, Mîralây Spencer'ın riyâseti altında üç iʼtilâf zâbiti, iki Fransız jandarması, bir İngiliz polisi ve bir tercümândan → 1. 1890 sene-i Mîlâdiyesinde Abdülhamid Hân-ı Sânî Japonya imparatoruna gönde[r]diği nâme-i hümâyûn ile hediyelerini îsâl etmek üzere Ertuğrul Firkateyni'ni Japonya'ya i ‘ zâm etmiş idi. Ertuğrul, esnâ-yı avdetinde dehşetli bir fırtınaya tutularak Japonya sevâhilinde gark olmuş ve mürettebâtının bir kısmı tahlîs edilmiş idi.