HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 2 42 [31] Yunan i‘tisâfâtından kurtarılıp Hilâl-i Ahmer vâsıtasıyla Yalova'dan İstanbul'a nakledilen bir muhâcir kâfilesinin Gülnihâl vapuruna irkâb ameliyesini gösterir resim teşekkül eden tahkîkât heyʼetiyle riyâset-i âcizîde bulunan ve on beş meʼmûrdan müteşekkil olan Hilâl-i Ahmer heyʼeti hep birlikde Gülnihâl vapuruyla hareket etdik. Heyʼete Manchester Guardian Gazetesi muhâbiri Londra Dârülfünûnu mu‘allimlerinden Mister Toynbee ile zevcesi de refâkat edi- yor idi. Gülnihâl'den mâ‘adâ Galata, Gayret, Hâle vapurları da berâberimizde idi. Gemlik'e muvâsala- tı müte‘âkib On Birinci Yunan Fırkası erkân-ı harbiye reîsi ile iki gün devâm eden münâkaşâtdan son- ra her seferimizde musâdif olduğumuz müşkilâtın bu defa da başgösterdiğini anlamış idik. Nihâyet Mister Toynbee, Yunan Kuvâ-yı Umûmiyesi Kumandanı General Papulas'ın Yalova'da bulunan ahâlî ve muhâcirînin tahliye edilebileceğini mübeyyin telgrafını göstermeğe mecbûr oldu. Bunun üzerine Yunan erkân-ı harbiye reîsi: "-Bunu daha evvelce niçin göstermediniz? Mâdemki General Papulas'ın müsâ‘adesi vardır, Ya- lova'daki ahâlî-i İslâmiye'nin tahliyesine müsâ‘ade edebiliriz" dedi. Gemlik, Umurbey, Armudlu ve daha sâir İslâm köylerinin tahliyesi için Bursa'daki Yunan kolor- dusunun General Papulas'dan müsâ‘ade istemeğe mecbûr olduğu beyân edildiğinden tahkîkât heyʼe- tiyle bi'l-müşâvere Yalova'ya harekete ve İngiliz Mülâzım-ı Evveli Holland'ı, Yunan karârgâhından gelecek cevâbı bize bildirmek üzere Galata yatıyla Gemlik'de bırakmağa karâr verdik. 5 Haziran 1337 [1921] târîhine musâdif Pazar günü Yalova'ya muvâsalat olundu. İlk temâsımız- da Yalova'daki Yunan bölüğüne kumanda eden zâbitin, ilk seyâhatimizde kendisiyle temâsa mecbûr olduğumuz Yüzbaşı Papagrigoryu[s]'dan daha ziyâde insânî hisler ile mütehassis olduğunu anladık. Yirmi dört sâ‘at içinde esnân-ı askeriyeye dâhil olmayan otuz-kırk erkek müstesnâ olmak üzere sekiz yüz doksan üç [32] muhâcir alındı. Bunlardan 150'si Hâle'ye, 375'i Gayret'e ve 368'i Gülnihâl'e irkâb edilmiş idi. Bir günde bitiremediğimiz irkâb ameliyesinden dolayı muhâcirlerin bir kısmı eşyâlarıyla