HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 2 51 Kış yaklaşdıkça bütün bu bîçârelerin ilbâsını da düşünmek lâzım geldi. Bu husûs için Hilâl-i Ahmer Hanımlar Merkezi tarafından verilen çamaşır ve patiskalar pek çok işe yaradı. Paris'de sefî- rimiz Rifat Paşa refîka-i muhteremesinin riyâseti altında teʼsîs edilen Hilâl-i Ahmer şuʻbesi, cemʻi- yetimiz menfaʻatine iʻâne topladı. Paris büyük ticârethânelerinin teberruʻâtı da pâyitahtımızda cemʻ edilen teberruʻâta inzimâm etdi. Bu sûretle Hilâl-i Ahmer Hanımlar Merkezi muhâcirlere 15.000 parçadan fazla çamaşır dağıtabildi. Bu muhâcirlerin yeni doğan çocukları da Hilâl-i Ahmer'in mazhar-ı şefkat ü himâyesi oldular. Muhâcirler meyânında hastaların adedi çoğaldığından, Hilâl-i Ahmer sırf bu hastalar ile işti- gâl etmek üzere ayrıca teşkîlât-ı sıhhiye hâzırladı. Bu teşkîlâtı idâre eden tabîbler ile hastabakıcılar, muhâcirlerin küme küme bulundukları yerlere giderek hastahâneye nakilleri îcâb etmeyen maʻlûlîni muʻâyene ve ilâc iʻtâ ederler idi. Ahvâl-i sıhhiyesi vahîm olanlar, muhâcirîne mahsûs olarak teʼsîs ve küşâd edilen 100 yataklık hastahâneye naklolunurlar idi. Bu hastahâneye bir de vilâdethâne ilhâk u ilâve edildi. *** Hilâl-i Ahmer yalnız İstanbul'a gelen muhâcirlerin [41] ahvâliyle değil, aynı zamânda Gelibo- lu'ya, Dedeağaç'a, Selanik'e giden muhâcirler ile de iştigâl etdi. Hilâl-i Ahmer'e âid olup Yunanîler tarafından işgâl ve bilâhare tahliye edilen Selanik Mecrûhîn Hastahânesi, muhâcirîn hastalarına tahsîs edildi. Hilâl-i Ahmer, Beynelmilel Salîb-i Ahmer Merkezi'nden Selanik'deki hastahânesinin ve muhâ- cirlerimizin işleriyle iştigâl edebilecek ecnebî bir zâtın irâesini ricâ etdi. Merkez-i müşârunileyhin tavsiyesiyle Mösyö Jani Voc nâmında İsviçreli bir tâcir, bu emr-i insânîyi derʻuhde etdi. Hilâl-i Ah- mer Cemʻiyeti bu hayır-perver zâtın himâyesi altında teşekkül etmiş olan komiteye 5.500 Osmanlı altını gönderdi. Merkez-i umûmîmiz aʻzâsından Doktor Abdülhak Adnan Bey dahi Gelibolu muhâcirlerinin imdâdına meʼmûr edildi. Adnan Bey muhâcirlere 1.000 yük battâniye, 3.000 çift çorab ve 200 lira kıymetinde eşyâ-yı mütenevviʻa tevzîʻ etdi. Hilâl-i Ahmer Cemʻiyeti, Çanakkale'ye ilticâ eden muhâcirîne verilmek üzere Çanakkale Hilâl-i Ahmer Şuʻbesi'ne de 700 Osmanlı lirası gönderdi. Hilâl-i Ahmer, Bulgarlar tarafından işgâl edilmiş olan Dedeağaç şuʻbesinde bir takım muhâcir- lerin müzâyakada bulunduklarını istihbâr etdi. Hayır-perver bir ecnebî bu bîçârelere cemʻiyetimizin muʻâvenetini îsâl etmek için arz-ı hizmet etdi. Bu sûretle bu muhâcirlere de çamaşır, elbise ve 400 lira kıymetinde eşyâ tevzîʻ edildi. Bundan başka Hilâl-i Ahmer, muhâcirlere mahsûs olmak üzere Bursa'ya 600, Konya'ya 200, İzmir'e 3.000, Yanya'ya 1.000 Osmanlı lirası gönderdi. Bu son meblağ, bir ecnebî konsolosunun lütf-ı tavassutuyla tevzîʻ edildi. Hulâsa, Hilâl-i Ahmer'in muhâcirîn uğrunda sarf etdiği para, 80.000 Osmanlı lirasına bâliğ olmuş idi. ***