HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 84 4393 Hissederiz. Beşerin bütün ıztırâbâtıyla müteellim oluruz. Bîçârelerin gözyaşlarını elimizden geldiği kadar silmeğe çalışırız. Birçok hayır müesseseleri bu gâyenin istihsâli için teʼsîs edilmişdir. Milletlerin teşkîl etdikleri bütün bu müesseseler aç, bîkes, felâketzede insânların imdâdına koşmak, onlara yardım etmek, onlara sürüklendikleri uçurumlarda elimizi uzatmakdır. Fi'l-vâkiʻ hayâtımız kısalıyor. Ömrümüz azalıyor. Cümle-i asabiyemiz harâb oluyor. Fakat biz bunlardan fütur getirmiyo- ruz. Hedefimiz yüksek ve asildir. Gâyelerimiz temiz ve parlakdır. Bu sebeble ömrü kısaltan bağlara ehemmiyet vermiyoruz. Fi'l-vâkiʻ medeniyet belki ömrü kısaltır. Fakat bu kısa ömür esnâsında hâl-i bedeviyetde ve ibtidâîde bulunan insânlara nisbetle onların bir senede yapabildiği bir işi bir haftada başarıyoruz. Bazı makine kuvvetleri bin insânın göreceği işi görebilmekdedir. Medeniyetin bizi sıkan revâbıt ve kavânîni bizde intizâmı teʼmîn etmiş ve ömrümüzün uzalmasını mûcib olmuşdur. Mâşiyen bir senede katʻ edilebilen bir yolu tayyâre ile bir haftada katʻ edebiliyoruz. Makine kuvveti hayâtımızı hakîkatde uzatmışdır. Vasatî olarak yaşadığımız elli senede katʻ etdiğimiz merâhil ibtidâî insânlara nazaran 2.500 defa daha fazladır. Tûl-i ömrün hudûd-ı tabîʻîleri eşhâsın erişdikleri vasatî yaşdır. Tûl-i ömür, imti- dâd-ı hayâtdır. Tûl-i ömr[ü] ikiye ayırabiliriz: 1'incisi: Tûl-i ömr-i zâhirî ve husûsî (longevité specifique, longevité virtuelle) 2'ncisi: Tûl-i ömr-i hakîkî (longevité potentiel) Tûl-i ömr-i zâhirî, muhîte ve şerâit-i hayâtiye iʻtibârıyla birçok hastalıklara, kazâlara maʻrûzuz ve hayâtımızı gayb ederiz. Tûl-i ömr-i hakîkî öyle bir ömür tasavvur ediyoruz ki, bi'l-cümle hastalıklardan ve kazâlardan âzâde olsun, bu bir tatlı gâye-i hayâldir. İmkânsızdır. Zâhirî tûl-i ömürde vasatî sin 60 yaş ve tûl-i ömr-i hakîkîde 100 farz edilmişdir. Antropoidlerde tûl-i ömr-i hakîkî insânlardan daha azdır. Esîr bir hayât antropoidler için muzır bir teʼsîr yapmakdadır. İnsânlarda cemʻiyet hayâtı pek müsâʻid teʼsîr yapmakdadır. Cemʻiyet hayâtında insânlar kavâʻid-i hıfzıssıhhaya riʻâyet etdikleri zamân birçok hastalıklardan [591 ] vikâye-i nefs kâbil olabil- mekdedir. Bugün büyük milletler çocuk vefeyâtına karşı hıfzıssıhha kavâʻîdini tatbîk ederek mâniʻ olabilmişlerdir. Maymunlarda tûl-i ömür tüylerinin uzunluğu nisbetinde bir tenâkus göstermekdedir. Nesnas cinsinden olan maymunlarda keyfiyet ber-akisdir. Âkilü'l-lahm olan hayvânlarda tûl-i ömr-i hakîkî fazladır. Umûmiyetle kâmet, bedenleriyle mütenâsibdir. Arslanlar 30-40 sene yaşamakdadır. Hayvânların imtidâd-ı hayâtını gösteren cedveli âtîye kaydediyorum: Yaşadığı Sene Kaplumbağa 200-300 Doğan 164 Papağan 80-160 Fil 100-150 Balina 80-100 İnsân 60-80 Devekuşu 50 Ördek 50