HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 84 4396 HİLÂL-İ AHMER HAVÂDİSİ Hilâl-i Ahmer Yat Kulübü Balosu Her sene Büyükada Yat Kulübü'nde verilmesi muʻtâd olan Hilâl-i Ahmer balosu şehr-i hâlin dokuzuncu Perşembe akşâmı verilmiş ve bu defaki balo geçen senelere nisbetle pek ziyâde şaʻşaʻalı olmuşdur. Kulüp her cihetden şânlı Türk ve Hilâl-i Ahmer sancaklarıyla donatıldığı gibi bâğçesindeki çamlar da elektrik ampulleriyle tezyîn olunarak nûrânî meyveler vermişdir. Sâʻat ona doğru ada ve İstanbul'un kibâr halkı takım takım gelmeğe başlamış ve dans salonları dolup dolup boşalmışdır. Hele büyük müncînin teşrîfini istibşâr eden halk denizde bir ışık gördükçe yekdiğerini müjdelerken sâʻat iki buçukda Ankara istimbotu görülmüş ve derhâl kulüp rıhtımından havâî fişenklerle karşılanmış ve Yat Kulübü iskelesinde İstanbul Hilâl-i Ahmer Reîsi Doktor Ali Paşa ve Adalar Şuʻbesi Reîsi Cafer Fahri Bey ve aʻzâ-i muhtereme tarafından bi'l-istikbâl halkın sürekli al- kışları ile yukarıya çıkılmış ve müteʻâkiben küçük kızların "Karadeniz Gelen Biziz" şarkısı ile büyük Gâzî'nin teşrîfi tesʻîd ve iʻlân edilmişdir. Müteʻâkiben Gâzî hazretleri dans salonuna girmiş ve evvel be-evvel Said Paşa merhûmun kerî- mesi Sabiha Nuri Hanım'la ve müteʻâkiben diğer bir yaşlı hanım ile dans ederek halkı meserrete gark etmiş ve herkese tâm maʻnâsıyla bir demokrasi numûne-i meşkûresi göstermişlerdir. Baʻdehû yemek salonuna geçerek ve hattâ sofrasının örtüsünü bizzât örterek biraz kahvaltı ve istirâhatden sonra tekrâr alkış tufanları arasında istimbotlarına râkiben avdet buyurmuşlar ve Reîs Ali Paşa tarafından arz-ı minnet ve şükrân edilerek teşyîʻ edilmişlerdir. Gâzî hazretlerinin azîmet ve avdetlerinde rengârenk mehtâblar yakılmış ve havâî fişenkler atıl- mışdır. Ertesi gün Ali Paşa Cumhûriyet Sarâyı'na giderek reîsicumhûr hazretlerine İstanbul merkezinin şükrânını Başkâtib Tevfik Beyefendi vâsıtasıyla takdîm etmişdir. _______________ [594] 9 Eylül İzmir Sergisi Millî nakışlarımızı, el işlerimizi uzun senelerden beri idâmeye muvaffak olan Hilâl-i Ahmer İstanbul Sanʻatevi büyük bir zarâfet ve mahâretle hâzırlamış olduğu maʻmûlât-ı nefîsesini bu sene de 9 Eylül İzmir Sergisi'nde teşhîr edecekdir. Sergi Reîsi Hüsnü Beyefendi'nin lütf-ı delâletiyle Hilâl-i Ahmer'in en eski bu sanʻat yuvası için sergide güzel bir mahal tefrîk edilmişdir. Sanʻatevi'nin işlemeli takımları geçen sene sergi heyʼeti tarafından mazhar-ı takdîr olarak bir altın madalya ile taltîf edilmişdi. _______________ Mösyö Milson Bükreş'de inʻikâd eden muʻallimler kongresinde bir konferans vermek üzere sûret-i mahsûsa- da şehr-i mezkûra daʻvet edilmiş olan Paris'de Lig'in Gençlik Salîb-i Ahmer Şuʻbesi Reîsi Mösyö