HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 84 4431 3 Nisan'da Sidney'de ictimâʻ eden Salîb-i Ahmer meclis-i umûmîsine Sıhhiye vekîli bu mebla- ğın her sene iʻtâ edileceğini teblîğ etmişdir. İngiliz Salîb-i Ahmeri Romatizmadan muztarib olanların tedâvîsine mahsûs olmak üzere teʼsîsi karârgîr olan dispan- serin 40.000 İngiliz lirası tahmîn olunan masârıf-ı inşâiye ve teʼsîsiyesi için İngiliz Salîb-i Ahmeri birkaç ay evvel bir defter-i iʻâne açmış idi. Açılan bu defter-i iʻâneye şimdiye kadar 30.000 liradan fazla bir meblağ kaydedilmişdir. _______________ Beynelmilel Salîb-i Ahmer Nizâmnâme-i Esâsîsi Beynelmilel Salîb-i Ahmer Cenevre Merkez Komitesi Reîsi Mösyö Max Huber ile Mîralây Draudt tarafından kaleme alınan Cenevre Nizâmnâme-i [622] Esâsî Lâyihası mezkûr komite ile Lig heyʼet-i idâresince müttefikan kabûl ve tasvîb edilmişdir. Mezkûr lâyiha gelecek Teşrîn-i Evvel'de Lahey'de ictimâʻ edecek olan On Üçüncü Beynelmilel Salîb-i Ahmer Konferansı'nın rûznâme-i müzâkerâtına idhâl olunmuşdur. _______________ Amerika Bir Âbide Cihân Harbi esnâsında Cemâhîr-i Müttehide-i Amerika kadınlarının oynadıkları insânî rolün bir hâtıra-i mefâhiri olmak üzere rekz edilecek âbidenin ilk temel taşı Salîb-i Ahmer reîsi sıfatıyla Amerika Reîsicumhûru Mösyö Coolidge tarafından vazʻ edilmişdir. Bu âbide Amerika harb-i dâhilîsinde kadınlığın hidemât-ı ber-güzîdesini tebcîlen rekz olunan âbidenin gerek ebʻâd ve gerek tarz-ı miʻmârîsinin aynı olacakdır. *** Aʻzâ-yı Faʻâle Teşkîline Mahsûs Kurslar Amerika'nın ahîren 8 şehrinde aʻzâ-yı faʻâle teşkîli maksadıyla tertîb olunan kursların verdiği netîceler birçok kimselerin Salîb-i Ahmer vezâif-i esâsiyesiyle tarz-ı mesâʻîsini öğrenmek arzusunda bulunduklarını göstermekdedir. Geçen Şubat ve Mart aylarında yapılan bu kurslara 1.276 kişi devâm etmişdir. ***