HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 84 4432 Muʻâvenet Faʻâliyetinde Tayyâreden İstifâde Âfât ve mesâib-i umûmiye netîcesinde hâl-i infirâdda kalan havâlîde tayyârelerden istifâde ve muʻâvenet teʼmînini derpîş eden Amerika Salîb-i Ahmeri tekmîl merâkiz ve şuʻabâtına bir "işâret kitâbı" göndermişdir. 1927 senesi Teşrîn-i Sânî'sinde La Nouvelle Angleterre'de vukûʻa gelen feyezânlarda Amerika tayyârelerinin yapdıkları tecrübelerden hâsıl olan netîceler bu işâret kitabına esâs teşkîl etmekdedir. Mississippi vâdîsi feyezânında Amerika Salîb-i Ahmeri, muʻâvenet faʻâliyeti için ilk defa tay- yârelerden istifâde etmiş ve felâketzedelerle ancak bu vâsıta ile irtibât ve ihtilâtı teʼmîn edebilmişdir. _______________ Bulgar Muhâcirlerin İskânı Mesʼelesi Cemʻiyet-i Akvâm'ın Bulgaristan Komiseri Mösyö Charron'un tanzîm etdiği rapora nazaran 15 Şubat'dan 15 Mayıs'a kadar güzerân olan müddet zarfında iskân olunan muhâcirîne 619.568 kilo to- hum, 1.700 mevâşî, 1.200 saban ve 3.000 araba tevzîʻ edilmiş ve 399 hâne, 333 sundurma, 365 ahırın inşââtı hitâm bulmuş ve 16.000 âileye arâzî verilmişdir. İskân-ı Muhâcirîn Müdüriyeti, Rockefeller Müessesesi nâmına Petriç'de malarya mücâdelesine mahsûs bir hıfzıssıhha merkezinin inşâsına da teşebbüs etmişdir. Mesʼûl Müdürü: Arif Süleyman