HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 85 4451 ması îcâb eder. Bu tufeylî çok dolaşmasını sevmez. Yumurtalarını kılların cilde aʻzamî beş milimetre yakınına rabt ve ilsâk eder. Yumurtaların adedi bazen bir sıra hâlinde on ikiye bâliğ olur. Dişi bütün hayâtı müddetince 15'den 26'ya kadar yumurtlar. Yumurtaların inkişâfına 6-8 gün kâfidir. Sürfe tâm bit olmak için üç istihâle devri geçirir. Kasık biti açlıkdan pek çabuk telef olur. On, on iki sâʻat açlık haşereyi öldürür. Gerçi Nuttal, bu tufeylîyi 42 sâʻat aç olarak yaşatabilmiş ise de bu, ahvâl ve şerâit-i tabîʻiyede pek nâdir görülür. Bir kâhil kasık biti 14 ilâ 22 gün yaşar. Haşere lâ-yenkatıʻ kanı emer ve dâimâ mevâdd-ı gâita çıkarır. Kasık biti gıdâsını aldığı esnâda şiddetli bir ziyâya arz edilecek olursa râhatsızlanarak müdâ- faʻa harekâtı gösterir ve fakat şikârına merbût kalır. Bu tufeylîden hiçbir hastalık ve hattâ zührevî emrâz geçmez. Âne bitinin itlâfında evvelden istiʻmâl olunan sincâbî merhem yerine xylol veyâhûd âtîdeki terkîb tavsiye edilmekdedir: - 50 gram xylol - 25 gram ispirto - 25 gram eter Gerek xylol ve gerek yukarıki terkîbin teʼsîri ânidir. Bunlardan biri tufeylî ile bulaşmış nâhiye- ye üç dakîka sürülecek olursa hem bitler ve hem yumurtalar kâmilen mahv olur. Zevc ve zevceden her ikisi de bulaşmış ise ilâcın katʻî bir teʼsîr icrâ edebilmesi için her ikisine de aynı zamânda sürülmesi îcâb eder. HAYÂT VE ÖLÜM NEDİR? (84'üncü nüshadan mâbaʻd) Hayât ve Verâset Kesîrü'l-hücre ve vahîdü'l-hücre mevcûdât için ölüm zarûrîdir. Bu hâl her uzviyete göre değişmekdedir. Uzviyetlerin bulundukları şerâit ölümü yakınlaştırmak ve uzaklaştırmak gibi teʼsîrâtı vardır. Bu şerâit dâhilî ve hâricî âmillerin heyʼet-i umûmiyesinden ibâ- retdir. Her zî-hayât mevcûd, muʻayyen bir "hayât sermâyesi"ni hâizdir. Bu sermâye onu vücûda ge- tiren ana ve baba hücreleriyle ecdâd hücrelerinin muʻayyen kudret ve kâbiliyetlerini taşımakdadırlar. Hayâtın kısa ve uzun olmasında en büyük âmillerden birisi de verâsetdir. İnsânlarda verâsetin rolü [8] gâyet vâzıh bir sûretde tedkîk edilmişdir. Bazı hayvânlar üzerine yapılan dakîk tecrübeler bu mesâili daha iyi bir sûretde tenvîr etmişdir. Verâset nedir? Evvelâ bunu tedkîk edelim: Verâset hücrelerin kendilerinden sonra gelen hücrelere fizyoloji hâssalarını, meyillerini, istiʻ- dâdlarını nakletmek kâbiliyetidir. Verâset bir takım kânûnlara tâbiʻdir. Verâsetde iki türlü evsâf nazar-ı mütâlaʻaya alınır: