HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 85 4453 Ebeveynlerin Kaç Yaşında Öldüklerini Gösteren Târîhler Taht-ı Müşâhedeye Alınan Eşhâs 80 Yaşından Yukarı Yaşayanlar 80 Sene Yaşayan Eşhâsın Yüzde İʻtibârıyla Adedleri Ebeveyninden hiçbirisi 80 sene yaşamayan 827 44 5,3 Bir ebeveyni 80 sene yaşayan 583 57 9,8 İki ebeveyni 80 sene yaşayan 184 38 20,6 Yalnız pederi 337 38 11,3 Yalnız vâlidesi 247 19 7,7 Mecmûʻu 1.524 139 8,7 Eğer ebeveynden hiçbirinin 80 yaşına kadar yaşaması nasîb olmamış ise çocuklarından % 5,3'[ü] bu yaşa kadar erişebilirler. Eğer ebeveynden birisi 80 yaşına kadar yaşamış ise çocuklarından % 9,8'[i] bu yaşa erişebilmekdedirler. Eğer ebeveynden her ikisi de 80 sene muʻammer olmuşlar ise % 20,6'sının 80 yaşına erişmeleri ihtimâl dâhilindedir. İşte bu verâset ve verâset-i âiledir. Şahsî Verâset Her şahıs evlâdına kendi vasıflarını, marazî ve fizyoloji olsun, nakletmeğe meyyaldir. Burada meyil kelimesini kullanıyoruz. İktisâb edilmiş hasletlerin nakli sâbit değildir. Meselâ ebeveynden birinin ayağı herhangi bir ameliyât netîcesi betr edilse bu vasıf çocuğa geçmez. Sünnet senelerden beri İslâm ve Yahudi çocuklarına tatbîk olunduğu hâlde bu çocuklar yine gulfe ile doğmakdadırlar. Ruşeym, dâhil-i rahmde bir sû-i teşekkül kazanacak olursa bu hâl intikâl eder. Doğdukdan sonra husûle gelen sû-i teşekkülât intikâl etmez. Esnâ-yı hamlde dâhil-i rahmde husûle gelen sû-i teşekkülât intikâl etmekdedir. Cümle-i asabiyenin kesb etdiği rûhânî ve cismânî istiʻdâdlar ebeveynden evlâda intikâl edebil- mekdedir. Öyle âileler vardır ki, bunların içerisinde birçok riyâziyeciler, edîbler yetişmişdir. Cinsin kuv- ve-i irsiyesi pek ziyâde münâkaşa edilmiş ilmî bir mesʼeledir. İnsânlarda kızların pederlerinden ve er- kek çocukların vâlidelerinden birçok seciye ve hasletleri tevârüs etdikleri iddiʻâ edilmişdir. Ekseriyâ tahakkuk eden bu fikri birçok müşâhedât tekzîb etmekdedir. Ecnâsın menşeʼinde verâsetin teʼsîri birkaç türlü mihânikiyetle îzâh edilmişdir. Verâsetde şâyân-ı dikkat bir mesʼele vardır. Bu da verâset bi'l-işbâʻ veyâhûd Almanların verâset bi'l-intân de- dikleri verâsetdir. İlk bir erkek tarafından telkîh olunan bir vâlidenin bilâhare diğer erkekden tevellüd eden evlâdına evvelkinin evsâfını nakleylemesinden ibâretdir. Bu verâset hayvân mürebbîleri tara- fından kabûl edilmişdir. Sâf cinsden bir dişi karışık kanlı bir erkek tarafından ilkâh edildiği zamân sâf kanlı erkeklerle mukârenetde bulundurulacak olsa sâf evlâd elde edilemez. İnsânlarda bu verâset hakkında birçok misâller zikrolunmuşdur. En bâhir misâl Lingar tarafından neşrolunanıdır. İhlîl-i tah- tânîye (hypospadias) tamâmıyla sâlim bir kadınla izdivâc eder. Bu kadının erkek ile hiçbir akrabâlığı yok. Erkeğin pederi, büyük pederi de hypospadias idiler. Bu izdivâcdan 3 aded hypospadias çocuk