HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 85 4458 Beyefendiler! 2 Temmuz [1]928 târîhinde merkez-i umûmîmizin salâhiyeti dâhilinde olarak yüz bin liralık muʻâvenet îfâsına karâr vermiş ve işe başlamıştık. Kuraklık mıntıkalarını Konya, Aksaray, Eskişehir, Afyon, Yozgad, Kırşehir olmak üzere altıya ayırdık. Buralara müfettiş ve meʼmûrlarımızı gönderdik. Şimendifer idâresi mübâyaʻa edeceğimiz erzâkı meccânen sevk edeceği gibi gösterilecek istasyonlar- da da bilâ-bedel kendi anbârlarını tahsîs edecekdir. Şimendifer idâresi kendi parasından tahsîs etdiği yüz bin lira ile ihtiyâcımız bulunan unları satın alacak ve mâl olduğu fiyâtla bize devredecekdir. Biz de muhtâcîne tevzîʻ edeceğiz. Şimendifer idâresiyle de bu sûretle bir antant yapdık. Darlık mıntıka- larına iki müfettişimizi ve meʼmûrlarımızı gönderdik. Bunlar ihtiyâc derecelerini tesbît ile meşgul- dürler. Biz şimdiki hâlde teşkîlâta başladık. Takrîr heyʼet-i celîlenizce kabûl edilecek olursa 500.000 liraya kadar sarfiyât icrâsına başlayacağız". (Bu esnâda murahhas aʻzâdan Muğla Mebʻûsu Ali Nazmi Bey'in takrîri okundu.) Kadıköy Kazâsı Hilâl-i Ahmer Hasanpaşa Dispanser Heyʼeti "-Riyâset-i Celîlelerine, Ankara ve Çankırı vilâyetlerinde kuraklık ve darlık mevcûd olmasına binâen bu vilâyetlerin de idhâl buyurulmasını teklîf ve ricâ eylerim, efendim. 26 Temmuz [1]928 Muğla Murahhası Ali Nazmi "