HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 85 4459 Doktor Refik Bey: "-Beyefendiler! Heyʼet-i Vekîle karârnâmesinde bu vilâyetler mevcûd değildir. Fakat tensîb buyurursanız bunu da Başvekâlet-i Celîle'ye arz ederiz. Eğer takrîrler hakkında beyân-ı mütâlaʻa edecek varsa, lütfen bu- yursunlar. Yoksa reʼye koyacağım. Mütâlaʻa olmadığına nazaran reʼye koyuyorum. Merkez-i umûmî- nin takrîrini kabûl edenler lütfen el kaldırsınlar. (Eller kalkar.) Müttefikan kabûl edilmişdir, efendim. Ankara ve Çankırı vilâyetlerine de muʻâvenet edilmesi hakkındaki Ali Nazmi Beyefendi'nin takrîrini kabûl edenler el kaldırsınlar. (Eller kalkar.) Bu da müttefikan kabûl edilmişdir. Başka müzâkere edilecek mesʼele yokdur. İctimâʻ hitâm bulmuşdur. Arz-ı teşekkürler ederim, efendim. (Allah muvaffakiyet versin sesleri) 26 Temmuz [1]928" _______________ Hilâl-i Ahmer Hastabakıcı Mektebi Şimdiye kadar yetiştirdiği hemşîrelere iyi bir istikbâl teʼmîn eden Aksaray'da Haseki Câdde- si'nde kâin Hilâl-i Ahmer Hastabakıcı Mektebi'ne leylî ve nehârî tâlibe kayıd ve kabûlüne başlan- mışdır. Tâliblerin 15 Eylül [1]928 târîhine kadar her gün mekteb idâresine [16] mürâcaʻat eylemeleri lâzımdır. Mektebde müddet-i tahsîl iki sene, üç aydır. Üç ay tecrübe devresinden sonra kabûl-i katʻî muʻâmelesi icrâ edilir. İki sene müddet-i tahsîl zarfında amelî ve nazarî hastabakıcılık tedrîs olunur. Şehâdetnâme ahzına muvaffak olanlara "Hilâl-i Ahmer hemşîresi" unvânı verilir. Hasköy Hilâl-i Ahmer Şubesi 1928 İdâre Heyʼeti