HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 85 4461 Gıdâ tevzîʻi Cumartesi, Salı, Çarşamba olmak üzere üç gün verilmekdedir. Yarının istinâdgâhı olan çocuklarımızı uzvî sefâletden ve bu sûretle tahsîllerine devâm etmelerine imkân vermek iʻtibâ- rıyla bu yardıma büyük bir ehemmiyet atfedilmekdedir. Altı bin küsûr çocuğun iʻâşesi senede ekalli kırk bin liradan fazla paraya ihtiyâc göstermekdedir. Sıhhî Yardımlar Geçen sene ictimâʻ eden İstanbul vilâyet kongresi veremlilere yapılan yardım mikdârını az bulmuş idi. Heyʼet-i merkeziyenin kongreden aldığı ilhâm ve intibâʻ netîcesi olarak bu sene bu muʻâ- veneti tezyîde ehemmiyet verilmişdir. Bu müdhiş âfetin bilhâssa fakr u uhtiyâcın hâzırladığı müsâʻid sâhada yapdığı tahrîbât cidden fecîʻ bir mikyâsdadır. Cemʻiyetimizin sulh-ı mesâʻîsi arasında bu müdhiş düşmanla mücâdelenin mühim bir mevkiʻi vardır. Geçen sene zarfında 231.266,5 kuruş sarfıyla 165 veremliye fazla gıdâ ve mevsimine göre balıkyağı ve fanila vermek sûretiyle yardım edilmişdir. Her veremliye gıdâ [18] iʻtâsı müddeti iki aydan az değildir. Bazen verem dispanserinin gösterdiği lüzûm ve ihtiyâc üzerine bu müddet uzatılmışdır. Fıstıklı nâhiyesinde rozet tevzîʻ eden grup Yat Kulübü Balosu 9 Ağustos Perşembe akşâmı Ada Yat Kulübü'nde verilen balo 4.307 lira vâridât-ı sâfiye teʼmîn etmişdir. _______________