HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 85 4490 Mustafakemalpaşa Şuʻbesi'nin 1 Nisan [1]928 târîhinden 30 Haziran [1]928 târîhine kadar Makbûzât Maktûʻ makbûz mukâbilinde iʻânât 15.995 Pullar hâsılâtı 5.500 21.495 Teʼdiyât Masârıf-ı idâre 2.000 Yekûn 2.000 SALÎB-İ AHMERLER HAVÂDİSİ İsviçre Reîs İntihâbı Müteveffâ Mîralây Bohny yerine İsviçre Salîb-i Ahmer Riyâseti'ne Mîralây Kohler intihâb edil- mişdir. _______________ Fransa Tedkîk-i Mesâib Komisyonu Beynelmilel Muʻâvenet İttihâdı Mukâvelenâme ve Nizâmnâme-i Esâsîsi 'nin vâzıʻu'l-imzâ olan hükûmetlerden biri de Fransa'dır. Fransa Hükûmeti ahîren neşretdiği bir karârnâmede tedkîk-i mesâib için Maʻârif Nezâreti'ne [40] merbût olmak üzere millî bir komisyonun teşekkül etdiğini iʻlân etmişdir. Komisyonu teşkîl eden 13 aʻzâ meyânında coğrafya ile mesâil-i ilmiyede ihtisâs sâhibi bazı maʻrûf zevât da bulunmakdadır. Tedkîk-i mesâib komisyonunun mevzûʻ-ı iştigâli olacak mesâilin başlıcası âfât ve mesâib-i umûmiyeyi ve netâyicini ilmî bir tarzda tedkîk ve herhangi umûmî bir felâketin vukûʻunu istidlâl et- mek ve tedâbîr-i lâzımeyi ittihâz eylemek ve bu mesâibin îrâs edeceği mazarratı azaltmak ve mümkün ise tekerrürüne mâniʻ olmakdır. Anavatanda veya müstemlekede umûmî bir felâket zuhûrunda tedkîkât icrâsına ve aʻzâsından birini felâket mahalline iʻzâma komisyon meʼzûndur. _______________