HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 85 4491 Avusturya Tedkîk-i Mesâib Komisyonu Beynelmilel Muʻâvenet İttihâdı'nın teessüs ve teşekkül etmesi üzerine Avusturya Hükûmeti 25 Nisan 1928 târîhinde Salîb-i Ahmer Cemʻiyeti'nin de dâhil bulunduğu bir tedkîk-i mesâib komisyonu teşkîl etmişdir. Bu komisyona Salîb-i Ahmer Cemʻiyeti ile Zirâʻat ve Sıhhiye Vekâletlerinin mümessilleri ve ta- bakâtü'l-arz müderrisleri iştirâk edecekdir. Avusturya Tedkîk-i Mesâib Komisyonu Riyâseti'ne Salîb-i Ahmer reîsi intihâb olunmuşdur. Komisyon evvel emirde Avusturya'nın meâsir olduğu feyezân, çığ, zelzele, dolu, emrâz-ı müs- tevliye gibi âfât hakkında tedkîkât yapacakdır. _______________ Finlandiya: 1927 Senesi İcrââtı Hastabakıcı Finlandiya Hastabakıcı Cemʻiyeti'nin tekmîl aʻzâsına vâkiʻ olan mürâcaʻatı üzerine bir felâket veya fevkalâde bir hâl zuhûrunda 156 hastabakıcı Salîb-i Ahmer'in himâyesi altında îfâ-yı hizmete âmâde olduklarını vaʻd ve taʻahhüd etmişlerdir. Taʻtîl Kolonisi Finlandiya'da müesses taʻtîl kolonilerine Salîb-i Ahmer Cemʻiyeti yatak, yorgan ve diğer mal- zeme iʻtâsı sûretiyle muʻâvenet etmekdedir. Salîb-i Ahmer Pulu 1926 senesine kadar istiʻmâli memleket dâhiline mahsûs ve münhasır olan Salîb-i Ahmer pul- ları târîh-i mezkûrdan iʻtibâren memâlik-i ecnebiyeye de teşmîl olunmuşdur. Pul hâsılâtı el-yevm Salîb-i Ahmer'in başlıca menâbiʻ-i vâridâtından biridir. Hastahâne İnşâsı Yeni bir Salîb-i Ahmer hastahânesi inşâsına sarf edilmek üzere 1928 senesi Nisan'ına kadar yapılan teberruʻât üç milyon marka bâliğ olmuşdur. Mesʼûl Müdürü: Arif Süleyman