HİLÂL-İ AHMER MECMÛʻALARI / CİLT 10

4505 Sekizinci Sene 15 Teşrinievvel Numara 86 Makâlât ve İʻlânlar Ankara'da Hilâl-i Ahmer Mecmûʻası Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk İʻâde Edilmez. Her Ayın On Beşinde Merkez-i Umûmî Tarafından Neşrolunur. Senelik abonesi bir liradır. Telefon: İstanbul 1255 KÂRİLERİMİZE Hilâl-i Ahmer Mecmûʻası'nın Ankara'da intişârı takarrür eylemiş bulunduğundan 86 numaralı nüshamız nakil muʻâmelesi dolayısıyla mîʻâdından genç neşredilmişdir. Kârilerimize vâkiʻ olan teehhur dolayısıyla maʻzeretimizin meşrûʻiyetini arz eder iken mecmûʻamızın daha mükemmel ve daha fâideli bir sûretde neşrine gayret edeceğimizi de beyâna müsâraʻat eyleriz. Dikkat Mecmûʻaya müteʻallik husûsât için Ankara'da Hilâl-i Ahmer Merkez-i Umûmîsi'nde Mecmûʻa Müdüriyeti'ne mürâcaʻat edilmesi ricâ olunur. [2] KİMYÂ HARBİNİN TABÂBET CİHETİNDEN MÜŞÂHEDESİNE DÂİR İngiliz ordusuna mensûb Major General D. Z. Colins tarafından tahrîr edilip Beynelmilel Salîb-i Ahmer Mecmûʻası 'nın 117'nci nüshasında kimyâ harbine dâir neşredilen mühim makâlenin terceme- sidir: 1898 senesi Amerika Cemâhîr-i Müttefikası müstesnâ olmak üzere diğer bütün hükûmetler ta- rafından Lahey'de imzâ edilen mukâveleye ve Washington Tahdîd-i Teslîhât Konferansı'nın muzır mahsûlât-ı kimyeviyenin kullanılmasına muʻârız olduğunu kayıd ve beyân etmiş olmasına rağmen müstakil harblerde bunların olanca şiddetiyle istiʻmâlleri tasavvur olunmakdadır. Sivil ahâlînin ise bundan pek ziyâde müteessir olacağına şübhe yokdur. 1925'de Cenevre'de inʻikâd son Beynelmilel Salîb-i Ahmer konferansı 1919 Versailles ve 1922 Washington Muʻâhedeleriyle bu muʻâhedeleri tasdîk ve itmâm etmekde olan Cemʻiyet-i Akvâm'ın 17 Haziran 1925 protokolünün kimyâ harbi alenen tecrîm etdiğini kemâl-i memnûniyetle kayıd ve îzâh etdi. Maʻamâfîh bu memnûʻiyetin ihlâl olunması ihtimâlini nazar-ı iʻtibâra alarak on ikinci konferans devletler arasında vukûʻ bulacak herhangi bir muhâsamâtda bizzât kendi mensûbîninin ve bâ-husûs bî-taraf sivil ahâlînin gaz hücûmlarına karşı muhâfaza ve himâyesini kendi makâmât-ı mülkiye ve askeriyeleriyle berâber sulh zamânında iken araştırmanın Salîb-i Ahmerler teşkîlâtının cümle-i vezâi- finden olduğu telâkkîsinde bulundu. Bundan dolayı halkın gaz taʻarruzlarından sıyâneti mesʼelesi