HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 86 4510 [8] AVRUPA'DA NÜFÛS MESʼELESİ İtalyan Hıfzıssıhha ve Muʻâvenet-i İctimâʻiye Müessesesi'nin aylık mecmûʻası olan Difesa So- ciale 'den (Müdâfaʻa-i İctimâʻiye): Paris'de çıkan Alliance Nationale Pour lʼAccroissement de La Population 'un bültenlerinde in- tişâr eden istatistiğe göre ırkımız gitgide azalmakdadır. İsviçre'deki tevellüdât mikdârı da Fransız tevellüdâtına nisbetle dûndur. Tevellüdâtın fazla görünmesi İsviçre'de vefeyât mikdârının Fransa'da- kine nisbetle dûn olmasındandır. Aynı bültenin müşâhedâtına göre umûmiyetle pür-sıhhat, son derece de sporcu İsveç gibi fev- kalâde mükemmel ictimâʻî teşkilata mâlik bulunan İskandinavya memâlikinde de tevellüdât azalıyor yani atletler dûçâr-ı akâmet oluyor. Tevellüdâtdaki noksânın kadınlara hakk-ı intihâb bahşedilince telâfî olunacağı ümîd edilmişdi. Fakat bu da hatâdır! Letonya'dan mâʻadâ kadınlara hakk-ı intihâb veren on beş milletin tevellüdâtı da Almanya ve Norveç'de olduğu gibi sürʻatle tenezzül etmekdedir. Matin gazetesi bir zamân evvel bu mesʼeleden bahsederken Difesa Nazionale 'de işâret etdiği- miz vechile Almanya'da tevellüdâtın tenâkusunu kayıd ve işâret etmekdedir. Geçen sene tevellüdât nisbeti binde 16,5'e tenezzül etdi. Bu mikdâr tamâmıyla Fransız tevellüdâtına tekâbül etmekdedir. Buna rağmen Almanya nüfûsu her sene birkaç yüz bin artmakdadır. Sebebi de müteʻaddid defalar söylediğimiz gibi Almanya'da vefeyâtın Fransa'dakine nisbetle az olmasıdır. Hâlen Fransa'daki vefeyât mikdârı binde 17,4'dür ki, bu nisbet 1913 senesi vefeyât mikdâ- rına müsâvîdir. 1913 târîhinde Almanya'da vefeyât esâsen azdır. Binde 15,8 nisbetinde. Son senelerde yüzde nisbeti sürʻatle binde 12'ye tenezzül etdi. Şu hâlde Almanya tevellüdâtda Fransa'ya müsâvî bulun- makla vefeyâta mukâbil binde 7 nisbetinde bir fazlaya mâlikdir. Hâlbuki Fransa'da bu nisbet ancak binde ikidir. Almanya'daki vefeyâtın bu mühim tenâkusu[n]a sebeb nedir? Berlin Dârülfünu meşhûr profesörü Greitens, bu husûsdaki istîzâha şu cevâbı vermişdir. Al- manya'nın harb ve enflasyon zamânında iktihâm etdiği iʻâşe müşkilâtı, nâ-müsâʻid iklîm, mesken fikdânı ve şimâlî Avrupa'dan hicret edenlerle hâsıl olan kesâfet nazar-ı iʻtibâra alınacak olursa, Fransa ile Almanya arasındaki bu fark vehle-i ûlâda şâyân-ı hayret görüleceğini teslîm ediyorum. Zîrâ Almanya 1913 senesine nazaran beş milyonu mütecâviz bir fazla-i nüfûs misâfir etmekde- dir. [9] Vefeyâtın tenâkusu Greitens'e nazaran hastalıklara karşı sigortanın büyük bir inkişâfa mazha- riyetine atfedilmesidir. Birçokları bilhâssa etıbbâ sınıfı bu usûle muhâlifdir. Bu usûlün belki noksânları vardır. Fakat millî hıfzıssıhhaya olan fâidesi de nâ-kâbil-i inkârdır. Hâlen Almanya'da sigorta edilenlerin mikdârı 18 milyondur. Muhtelif âile aʻzâlarını âileleriyle birlikde hesâb edecek olursak 40 milyona yani nüfûs-ı umûmiyenin sülüsânına bâliğ olduğu görülür. Bugün birçok kimseler doktora para vermek mecbûriyeti karşısında ihmâl edecekleri hastalıkla- rını tedâvî etdirmekdedir. Diğer tarafdan hasta kasaları vâsiʻ teşkîlâta mâlikdir. Hastalar bir hakların- dan istifâde etdiklerini bilerek bu teşkîlâtın hastahâne, tedâvî ve nekâhet evlerine istekle koşuyorlar. Bu müesseselerde hastalar çok iʻtinâlı tedâvî olunmakda ve sirâyet tehlikesi de aʻzamî derecede menʻ edilmekdedir. Bugün Berlin'de verem vefeyâtının nısfı hastahânelerde vukûʻ bulmakdadır. Vefeyât tenâkusunun diğer bir sebebi de sârî hastalıkların önünü alan teşkîlât-ı sıhhiyenin in- kişâfıdır. Tifo, kızıl ve difteri musâbı nâdirdir. Hattâ verem de eskisine nazaran çok azalmışdır. İspir-