HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 86 4511 tolu meşrûbât istiʻmâli de tenâkus etmişdir. Bunun harbden sonraki pahâlılıkla halkın kısm-ı aʻzamı- nın dûçâr-ı fakîr olmasından neşʼet etdiği ağleb-i ihtimâldir. Ve'l-hâsıl çocuk vefeyâtı da % 18'den 10'[a], yani yarıya inmişdir. Esbâbını bir tarafdan hıfzıssıhhanın terakkîsinde aramakla berâber diğer tarafdan da tevellü- dâtın tenâkusunda aramalıdır. Fi'l-hakîka maʻlûm olduğu vechile bütün memleketlerde vefeyât mik- dârının tevellüdâtın kesreti nisbetinde tezâyüd etdiği görülmekdedir. Almanya'da vefeyâtın tenâkusunun esbâb-ı umûmiyesi bunlardır. Bunlara daha az ehemmiyetli olmayan bir sebeb daha ilâve etmek lâzımdır. Bu da nüfûsun kısm-ı aʻzamının yirmi ile elli yaş arasında bulunması nisbet-i müfritasıdır. Zîrâ 1919'dan sonra tevellüdât azaldı ve birçok yaşlı kimseler son senelerde iktihâmına mecbûr oldukları mahrûmiyetler teʼsîriyle ömr-i tabîʻîyi yaşayamadan ölmüşlerdir. İşbu vasatî yaş 30 ile 50 arası olduğuna göre bu yaşlarda vefeyât mikdârı azdır. Fakat birkaç sene zarfında tabîʻî vazʻiyet avdet edince bu müstesnâ sebebin gayb olacağı şübhesizdir. Binâenaleyh vefeyât mikdârının tezâyüdü şimdiden tahmîn edilebilir. İşte bu sebeble dûr-endîş kimseler âtîden endîşe etmekdedir. Fransa'da tezâyüd-i nüfûs zaʻîfdir. Fakat tevellüdât ve vefeyât mikdârı hâl-i tevakkufdadır. Al- manya'da tevellüdât bâriz bir sûretde tenezzül etmekdedir. Almanya'da tevellüdât nisbetinin Fransız tevellüdât mikdârının dûnuna inmesinden korkulur. Vefeyât asgarî dereceye inmişse de tekrâr tereffuʻ edeceği muhtemeldir. [10] HİLÂL-İ AHMER HAVÂDİSİ On Üçüncü Salîb-i Ahmer Kongresi'nde Murahhasımız Lahey'de 23 Teşrîn-i Evvel 1928 târîhinde inʻikâd edecek olan Salîb-i Ahmerler kongresine Türkiye Cumhûriyeti Lahey Maslahatgüzârı Âli Beyefendi Hilâl-i Ahmer murahhası taʻyîn olunmuş- dur. _______________ On Üçüncü Beynelmilel Salîb-i Ahmerler Kongresi'nin Rûznâmesi Hollanda Salîb-i Ahmer Merkez Komitesi, Beynelmilel On Üçüncü Salîb-i Ahmerler Kongre- si'nin muvakkat programını ber-vech-i âtî tarzda tertîb ve ihzâr eylemişdir: Küşâd Merâsimi On Üçüncü Konferans'ın yevm-i küşâdı 1928 senesi Teşrîn-i Evvel'inin yirmi üçüncü Salı günü sâʻat 14.30'dur. Küşâd merâsimi Binnenhof'da Ridderzaal'da olacakdır. Husûsî delegeler komisyonu 23 Teşrîn-i Evvel'de sâʻat 10.30'da sulh sarâyının küçük adliye salonunda ictimâʻ edecekdir. Muvakkat Rûznâme-i Müzâkerât 1-Beynelmilel Salîb-i Ahmer Komitesi'nin idâre etdiği mebâliğe dâir rapor 2-Komitenin 1925 ilâ 1928 devresi esnâsındaki faʻâliyetine dâir rapor 3-Beynelmilel Malzeme-i Sıhhiye Tedkîk Enstitüsü ve Beynelmilel Standardizasyon Komis- yonu'na gönderilecek malzemenin gümrük masârıfından istisnâsı ve serbestî-i nakli (Lehistan Salîb-i Ahmer Cemʻiyeti'nin raporu) 4-Salîb-i Ahmer'in bahrî harb felâketzedelerine de teşmîli (On İkinci Konferans'dan devren)