HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 86 4512 5-Salîb-i Ahmer Cemʻiyetleri ve Beynelmilel İmdâd ve Muʻâvenet İttihâdı (İtalya Salîb-i Ah- mer Cemʻiyeti'nin teklîfi) 6-Beynelmilel Salîb-i Ahmer İmdâd Filosu ihdâsı (Hollanda Salîb-i Ahmer Cemʻiyeti'nin teklîfi) 7-Cemʻiyet-iAkvâmmîsâkının 16'ncı mâddesinde muharrer müeyyedâtın tatbîki hâlinde Salîb-i Ahmerlerin rolü (Beynelmilel Salîb-i Ahmer Komitesi'nin teklîfi) 8-Nüfûsun bazı kısımları lehinde abluka bloküsü netâyicinin tahfifi (Bulgar, Danimarka, İsveç Salîb-i Ahmer Cemʻiyetlerinin teklîfleri) 9-Beynelmilel mukâvelât vâsıtasıyla kimyevî ve mikrobî harblerin menʻi (Hollanda Salîb-i Ah- mer Cemʻiyeti'nin teklîfi) 10-Salîb-i Ahmer mensûbîni ie sivil halkın kimyâ harbine karşı himâyesi (Beynelmilel Salîb-i Ahmer Komitesi ile Sırp Salîb-i Ahmer Cemʻiyeti'nin teklîfi) 11-Tayyârecilik ve Salîb-i Ahmer (İtalya Salîb-i Ahmeri'nin teklîfi) 12-Malzeme-i sıhhiyenin standardizasyonu [11] (Beynelmilel Salîb-i Ahmer Komisyonu'nun teklîfi) 13-Harb zamânında gâiblerin mikdârını azaltacak tedâbîrin tedkîki (Beynelmilel Komite'nin teklîfi) 14-Beynelmilel Malzeme-i Tedkîk Enstitüsü (Beynelmilel Komite'nin teklîfi) 15-Hastabakıcı kadınlar tedârükü ve yetiştirilmesi (İtalya Salîb-i Ahmeri ile Beynelmilel Ko- mite'nin teklîfi) 16-Millî Salîb-i Ahmer Cemʻiyetlerinin malzemesine, mensûb olduğu cemʻiyeti gösterecek alâ- metler vazʻı (İsveç Salîb-i Ahmeri'nin teklîfi) 17-Salîb-i Ahmer işâretinin gerek eşhâs ve gerek malzeme iʻtibârıyla himâyesi (Lehistan Salîb-i Ahmeri'nin teklîfi) 18-Beynelmilel Salîb-i Ahmer teşkîlâtı (Beynelmilel Komite ile sâir millî Salîb-i Ahmerlerin teklîfi) _______________ 13'üncü Beynelmilel Konferansa Hilâl-i Ahmer Tarafından Takdîm Edilen Rapor 23 Teşrîn-i Evvel'de Lahey'de inʻikâd edecek olan 13'üncü Beynelmilel Salîb-i Ahmer Konfe- ransı için Hilâl-i Ahmer Merkez-i Umûmîsi tarafından cemʻiyetin 1925, 1926, 1927 senelerindeki icrâât, faʻâliyet ve muʻâmelâtını mübeyyin Fransızca bir rapor ihzâr ve tanzîm edilerek bu konfe- ransda Hilâl-i Ahmer'i temsîl edecek olan Lahey Maslahatgüzârı Âli Beyefendi nâmına posta ile gönderilmişdir. Hilâl-i Ahmer Cemʻiyeti bu raporuyla İstiklâl Harbi'nden sonra cemʻiyetin sulh zamânına mü- teʻallik faʻâliyetlerini, cemʻiyet hastabakıcı mektebinin terakkî ve inkişâfâtını, sıhhî mücâdelâta, harîkzedegâna, hareketzedegâna, seylâbzedegâna, üserâya muhtelif hastahânelere, mübâdele-i ahâlî- ye yapdığı âlem-şümûl hizmet ve muʻâvenetlerini ve cemʻiyetin üç senelik muʻâmelât-ı mâliyesini ve son kongrede taʻdîl edilerek iktisâb-ı katʻiyet eyleyen Hilâl-i Ahmer Nizâmnâme-i Esâsîsi 'ni kon- feransın enzâr-ı ıttılâʻına arz etmekdedir. Rapora bu ihtivâ etdiği mevâddan başka hastabakıcı mektebimizin binâsı, tâlibât ve dershânele- riyle tatbîkât-ı dersiyelerini müteʻallik olarak beş resim papyekuşe hâlinde ilâve edilmişdir. _______________