HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 86 4513 Kuraklık Muhtâcînine Yardım Bu sene memleketimizin bazı aksâmında kuraklık yüzünden bir kısım vatandâşlarımızın maʻî- şet müşkilâtı karşısında kalmaları üzerine Hilâl-i Ahmer Merkez-i Umûmîsince 500.000 lira tahsîs edilerek şimdiye kadar cemʻiyetin îfâ eylediği hizmet ve muʻâvenetlerin etrâfında bir şeref hâilesi teşkîl eden çok kıymetli bir yardım faʻâliyetine daha geçdiği maʻlûmdur. El-yevm Konya, Aksaray, Eskişehir, Afyonkarahisar, Kırşehir ve Yozgad vilâyetlerinde altı Hilâl-i Ahmer imdâd heyʼeti hummâlı bir faʻâliyetle köy köy dolaşarak köylülerimize un ve zahîre tevzîʻ etmekdedirler. [12] Aksaray'da Sultanhan köyünde Selçukî âsârından Hankapısı muhtâcînine un tevzîʻ olunurken Distribution de la farine devant la porte du Han Oeuvre de Seljoucide au village Sultan Han dʼAkseray [13] Şimdiye kadar bu sâhada 753.960 kilo un tevzîʻ edilmiş ve 251.000 kilo un da derdest-i tevzîʻ bulunmuşdur. Bunlardan başka Çankırı vilâyeti kazâlarında da kuraklık mevcûd olduğu merkez-i umûmîye ihbâr edilmesi üzerine burası için de 45.900 kilo un satın alınarak bir meʼmûr ve mikdâr-ı kâfi hade- me ile mahalline gönderilmiş ve tevzîʻâta başlanmışdır. Bu sâhadaki tevzîʻât münâsebetiyle çekilen fotoğraflardan birkaçını derc eyliyoruz.