HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 86 4514 Vilâyât-ı şarkiye kuraklık muhtâcînîne [her] ay muʻâvenet tevzîʻ edilmek üzere Birinci Mü- fettiş-i Umûmî İbrahim Talîʻ Beyefendi emrine iki defada ayrıca altmış beş bin lira gönderilmiş ve meblağ-ı mezbûr müşârunileyh tarafından muhtâcîne tevzîʻ edilmekde bulunmuşdur. _______________ Teşekkür Kuraklık mıntıkalarında bulunan Aksaray vilâyeti dâhilinde muhtâcîne un tevzîʻiyle meşgûl bulunan Hilâl-i Ahmer imdâd heyʼetinin vezâifini teshîl yolunda kıymetdâr hizmetleri sebk etdi- ği mezkûr heyʼet tarafından merkez-i umûmîye bildirilen Aksaray Belediye Reîsi ve Cumhûriyet Halk Fırkası Aksaray Meʻtemedi Hadi ve Aksaray Askerlik Şuʻbe Reîsi Binbaşı Yusuf Beyefendilere cemʻiyet nâmına birer teşekkürnâme gönderilmişdir. _______________ Hilâl-i Ahmer'de Yeni Yazı 15 Teşrîn-i Evvel 1928 târîhinden iʻtibâren Hilâl-i Ahmer Merkez-i Umûmîsi aklâmıyla merkez ve şuʻbeler beyninde vukûʻ bulacak muhâberâtdan bi'l-cümle telgrafların, kısa tahrîrât ve tezkerelerin ve tahrîrât-ı umûmiyelerin yeni harflerimizle yazılmasına cemʻiyet heyʼet-i idâresince karâr verilmiş ve keyfiyet bi'l-cümle Hilâl-i Ahmer merkez ve şuʻbelerine taʻmîm edilmişdir. _______________ Hilâl-i Ahmer Avrupa'ya Hastabakıcı Hemşîre Gönderiyor. Hilâl-i Ahmer Hastabakıcı Mektebi meʼzûnlarından Samsun Memleket Hastahânesi Başhem- şîresi Fatma Abdurrahman Hanım'ın Hilâl-i Ahmer nâm ü hesâbına hastabakıcılık stajı görmek üzere Almanya'ya iʻzâmı cemʻiyetçe takarrür etmiş ve mûmâileyha Samsun'daki vazîfesinden istiʻfâ ede- rek İstanbul'a gelmişdir. Almanya'da tahsîli müteʻâkib cemʻiyet Hastabakıcı Mektebi'nde başhemşîre olarak istihdâm edilecekdir. Şimdiye kadar bu vazîfe bir ecnebî hastabakıcı hemşîre tarafından îfâ edilmekde idi. Fatma Hanım'dan inhilâl eden Samsun Memleket Hastahânesi başhemşîreliğine de el-yevm mekteb başhemşîre muʻâvinliğinde bulunan Saime Hanım taʻyîn edilmişdir. _______________ Kalecik Hareket-i Arzından Mutazarrır Olanlara Teşrîn-i Evvel'in dördüncü Perşembe günü sâʻat on üçü yirmi geçe Kalecik kazâsının Çandar, Hasabaz nâhiyelerinde vukûʻa gelen hareket-i arzın merkezi Kumartaş ve Yenice ve Satılar karyeleri teşkîl etmiş ve burada mevcûd evler kısmen münhedim ve kısmen de içlerinde iskân edilemeyecek hâle gelmişdir. Hilâl-i Ahmer Cemʻiyeti bu âfetzedegânı şedâid-i havâiyeden masun bulundurmak için de mahallerine elli [14] çadır irsâl eylemiş ve nakden de muhtâcîne üç bin lira teberruʻ eyleyerek Vâlî Vehbi Beyefendi vâsıtasıyla tevzîʻ etdirmişdir. _______________