HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 86 4515 İzmir Hareketzedelerine Muʻâvenet Mesʼelesi İzmir civârında 31 Mart - 7 Nisan 1928'de vukûʻa gelen hareket-i arz üzerine cemʻiyetçe o vakit 1.500 çadır gönderilmiş ve muhtâcînin iʻâşeleri teʼmîn ve müdâvât-ı sıhhiyelerinin icrâsı gibi muʻâvenetlerde bulunulmuş ve hareketzedegân nâmına bir de iʻâne defteri açılmış idi. Hareketzede- lere tahsîsen şimdiye kadar cemʻ edilen iʻânâtın bi-hakkın mahalline sarf edilmesi merkez-i umûmîce teemmül edilerek bu bâbda tedkîkât icrâsı maksadıyla Hilâl-i Ahmer Müfettiş-i Umûmîsi Çorum Me- bʻûsu Doktor Mustafa Beyefendi İzmir'e azîmet eylemişdi. Bu kere mahall-i mezkûrdan avdet eden mûmâileyh tedkîkât ve meşhûdâtını bir rapor hâlinde cemʻiyet heyʼet-i idâresine takdîm etmişdir. Heyʼet-i idârece bu rapora istinâden ittihâz olunacak karâr üzerine yardım faʻâliyetine geçilecekdir. _______________ İran Türkleri İran'da aslen Türk olup memleketimize yerleşmek üzere Türkiye'ye geçen bir kısım vatandâş- ların iskân edilecekleri yerlere kadar sevkleri için Hilâl-i Ahmer Merkez-i Umûmîsince Van Vâlîliği âmirine iki bin lira gönderilmişdir. Kütahya Harîkzedegânı Kütahya'da geçen Ağustos'un bidâyetlerinde vukûʻa gelen bir yangından 81 ev ve 191 dükkân, bir mekteb ve bir câmiʻ yanmışdır. Kütahya Hilâl-i Ahmer Merkezi tarafından merkez-i umûmîye vukûʻ bulan mürâcaʻat üzerine harîkzedegânın âcil ihtiyâclarına medâr olmak üzere merkez-i umûmî- ce beş bin lira mikdârında muʻâvenetde bulunulması takarrür etmiş ve meblağ-ı mezbûr Kütahya Hilâl-i Ahmer Merkezi'ne gönderilmişdir. _______________ Çakmak Köyü Harîkzedegânı 18 Eylül'de Uzunköprü kazâsının Çakmak köyünde bir yangın vukûʻa gelerek köyün tekmîl hâneleri yanmışdır. Felâket üzerine dâimâ mesâʻîsiyle temâyüz eden Uzunköprü Hilâl-i Ahmer Şuʻ- besi derhâl faʻâliyete geçerek harîkzedegândan 264 kişinin iʻâşelerini teʼmîn eylediği gibi merkez-i umûmîden de muʻâvenet taleb eylemişdir. Şuʻbenin bu talebi üzerine merkez-i umûmîce harîkzede- gâna tevzîʻ olunmak üzere Eskişehir anbârından elli battâniye, mikdâr-ı kâfi çamaşır, elbise, çocuk çamaşırı, çorap, yatak gılâfı, yasdık gönderilmişdir. _______________ Bağdad'da Kalan Üserâmız Bağdad ve civârında müteferrik sûretde Harb-i Umûmî bakâyâsından bazı esîrlerimizin bulun- duğu ve bunlar memlekete avdet etmek istiyorlarsa da →