HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 86 4517 Bu kere Hilâl-i Ahmer Merkez-i Umûmîsi tarafından mahall-i mezkûrda mevzûʻ-ı bahis teʼsîsâtın inşâsına başlanmışdır. Menbaʻda bir imlâ fabrikası, telfîk hazînesi, kollektör, isâle şebekesi ve müdüriyet binâsı vü- cûda getirilecekdir. Cemʻiyet bu inşââtı emâneten yaptırmakda olduğundan inşâât mühendis ve murâkıblığına maʻ- den suyu mühendislerinden Mösyö Smith taʻyîn olunmuşdur. Bir-iki ay sonra hitâm bulacak teʼsîsâtı müteʻâkib cemʻiyetin Avrupa'dan celb eylediği imlâ, tathîr, tıpa vesâir makineler mahallerine vazʻ olunarak su, asrî ve fennî usûllerle şişelelere imlâ edilerek istihlâk mıntıkalarına sevk olunacak- dır. Esâsen bu maʻden suyu memleketin ihtiyâcâtına bâliğan mâ-belağ kifâyet edeceğinden mâʻadâ memâlik-i sâireye de ihrâc edilebileceği ümîd edilmekdedir. _______________ Amerika'daki Vatandâşlarımızın Hilâl-i Ahmer'e Teberruʻları Türkiye Hilâl-i Ahmer Cemʻiyeti'nin Cemâhîr-i Müttefika-i Amerika'da kâin Detroit Merkezi sâbık Sandık Emîni Hızır Ahmed Efendi'nin hesâbâtı devir esnâsında kutuda yüz yirmi bir dolar ve yirmi cent iʻâne toplanmış ve meblağ-ı mezbûr heyʼet-i merkeziye karârıyla merkez-i umûmîye çek olarak irsâl edilmişdir. Gerek Sandık Emîn-i sâbıkı Hızır Ahmed Efendi'nin ve gerek mezkûr merkeze mensûb aʻzâ-yı muhteremenin bu uzak illerde vatanî vazîfelerini ihmâl etmeyerek bu şefkat ocağını düşünmeleri cidden şâyân-ı tebcîldir. Kendilerine hâssaten teşekkürler olunur. _______________ Pul Hâsılâtı Berlin Şehbenderliği'mizden şefkat pulları esmânı olarak elli iki lira altmış beş kuruş, Sofya Şehbenderliği'mizden kezâlik şefkat pulları esmânı olarak yüz dokuz lira 18 kuruş ahz olunmuşdur. _______________ Hilâl-i Ahmer'in Bağdad'daki Binâsı Harb-i Umûmî esnâsında Hilâl-i Ahmer Merkez-i Umûmîsince satın alınarak Bağdad Hilâl-i Ahmer Merkezi için binâ ittihâz edilmiş olan mahallin satılması cemʻiyetçe takarrür etmiş ve bu husûs için Türkiye Cumhûriyeti Bağdad Maslahatgüzârlığı nâmına cemʻiyet tarafından bir vekâletnâ- me tanzîm edilerek gönderilmişdir.