HİLÂL-İ AHMER MECMÛʻALARI / CİLT 10

4533 Sekizinci Sene 15 Teşrinisani Numara 87 Makâlât ve İʻlânlar Ankara'da Hilâl-i Ahmer Mecmûʻası Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk İʻâde Edilmez. Her Ayın On Beşinde Merkez-i Umûmî Tarafından Neşrolunur. Senelik abonesi bir liradır. Telefon: İstanbul 1255 REÎSİCUMHÛR HAZRETLERİNİN HİLÂL-İ AHMER'E İLTİFÂTLARI Üçüncü Büyük Millet Meclisi'nin ikinci ictimâʻ devresinin küşâdı münâsebetiyle 1 Teşrîn-i Sânî 1928 târîhinde senelik nutuklarını îrâd buyuran reîsicumhûr hazretleri İzmir zelzelesi ve kurak- lık gibi geçen sene güzel memleketimize musallat olan iki büyük âfet karşısında Hilâl-i Ahmer'in îfâ etdiği şefkatkâr yardımlar hakkında lütfen takdîrlerini ızhâr eylemişler ve bilhâssa: "-Hilâl-i Ahmer'in gerek zelzele gerek kurak sâhalarında yardıma koşmak için gösterdiği gay- ret ve iktidârı huzûrunuzda bütün millete karşı teşekkürle yâd ederim. Geçen sene zarfında bir misli artmış olan Hilâl-i Ahmer aʻzâsı, vatandâşların âfet ve ihtiyâc günleri için nasıl hayırlı bir şefkat hazînesi hâzırladıklarını bir kere daha isbât etdi" buyurmuşlardır. Hilâl-i Ahmer'in hâmî-i muʻazzamı büyük Gâzî'nin cemʻiyetimize karşı şu sûretle ibzâl buyur- dukları yüksek teveccüh ve iltifâtları, şimdiye kadar Hilâl-i Ahmer tarafından îfâ edilen şefkatkâr yardımların en kıymetdâr maʻnevî mükâfâtı telâkkî edildiğine şübhe edilemez. Hakîkaten Hilâl-i Ah- mer Cemʻiyeti büyük hâmîsinin Millet Meclisi huzûrunda şu sûretle tevecüüh ve iltifâtlarına mazhar olmağla kendi târîhinde bir misli kaydolunamayan ve kemâl-i minnet ü şükrânla karşılanan en büyük bahtiyârlıklardan birine daha kesb-i nâiliyet eylemişdir. Dâimâ büyük hâmîsinin irşâd ve arzularından mülhem olarak hayırkâr mesâʻîsinde parlak bir silsile-i muvaffakiyât vücûda getiren Hilâl-i Ahmer Cemʻiyeti teveccüh-i riyâset-penâhîye mazhar kaldıkça kudsî vazîfelerinde muvaffakiyetden muvaffakiyete koşacakdır. Bu kıymetdâr vesîle ile Mecmûʻa mız en hâr taʻzîmât ve tekrîmâtını reîsicumhûr hazretlerinin huzûr-ı fahîmânelerine arz ile kesb-i şeref eyler. [26] BAŞVEKÎL İSMET PAŞA HAZRETLERİNİN HİLÂL-İ AHMER MESÂʻÎSİNİ TAKDÎRLERİ Teşrîn-i Sânî'nin birinci günü Üçüncü Büyük Millet Meclisi'nin ikinci ictimâʻ devresinin açıl- ması üzerine reîsicumhûr hazretlerinin büyük târîhî nutuklarından sonra Teşrîn-i Sânî'nin sekizinci günü de başvekîl paşa hazretleri Millet Meclisi'nde nutuklarını îrâd buyurdular. Başvekîl paşa hazret- leri bu nutuklarında Hilâl-i Ahmer'in mesâʻîsinden bahsederek: "-Hükûmetin de esâs tedbîrleri meyânında hayır müesseselerimizden Hilâl-i Ahmer'in muʻâve- netinden iftihârla bahsedeyim. Hilâl-i Ahmer ictimâʻî heyʼetimizin umûmî zarûretlerini tehvîn için beş yüz bin lira tahsîs etdi. Bundan altmış beş bin lirası birinci umûmî müfettiş emrine, yirmi bini Malatya ve havâlîsine gönderildi. Mütebâkîsi Konya, Aksaray, Yozgad, Kırşehir, Eskişehir, Afyonka- rahisar, Çankırı vilâyetlerine gönderilmişdir. Hükûmetin ve millet cemʻiyetlerinin tedbîrleri semeresi