HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 87 4540 Millî Muhtelit Komisyonlar Hakkında Brüksel Beynelmilel Ehl-i Vukûflar Komisyonu sivil ahâlînin muhâfaza ve sıyânetinin her şeyden akdem bir mesʼele-i milliye olduğunu tasdîk ile maʻlûm olduğu üzere her memleketin millî Salîb-i Ahmer Cemʻiyetlerinin taht-ı himâyesinde hükûmet murahhaslarıyla ahâlînin gazlardan sıyâ- net olunmasına alâkadâr sivil cemâʻât murahhaslarından mürekkeb muhtelit bir komisyon teşkîlini tavsiye etmekdedir. Belçika, Bulgarya, Litvanya, Felemenk, İsveç, İsviçre gibi birçok memleketler bu telkînâta itti- bâʻ eyledikleri gibi diğer cihetden Britanya Salîb-i Ahmeri kendi meʼmûrlarının taʻlîm ve terbiyesine başladı ve Belçika Salîb-i Ahmeri'yle diğerlerinin de bunu taʻkîb etmeleri tabîʻîdir. Fransa'da ise Tıb Encümeni aʻzâsından ve sıhhiye müfettiş-i umûmîlerinden Doktor Sieur, Fransa Tıb Encümeni'ne 1925 senesi Eylül'ünde Cenevre'de inʻikâd eden Beynelmilel Salîb-i Ahmer On İkinci Konferansı'nın Brüksel Beynelmilel Ehl-i Vukûflar Komisyonu'nun ızhâr etdiği temenniyât hakkında pek mühim teblîgâtda bulunarak her ikisin de kimyâ harbiyle mücâdele etmek için sivil bir teşkîlâta pek mübrem bir ihtiyâc olduğunu ve mühlik gazât ile vukûʻu muhtemel hücûmlara karşı hâzırlıklı bulunulması lüzûmunda müttehid olduklarını bildirdi. Bizzât Tıb Encümeni de sivil ahâlînin muzır gazâta ve bâ-husûs havâî ve kimyevî taʻarruzlara karşı himâye ve sıyânetine âid vesâitin taharrî ve tedkîki lüzûm-ı müstaʻciline kâil olduğundan Gene- ral Sieur'ün teklîfi üzerine âtîdeki temenniyâtı kabûl etdi: "-Kimyâ harbinin menʻi îcâb edeceğini beyân etmekle berâber encümen mâzîde vukûʻ bulduğu vechile işbu memnûʻiyetin ihlâl olunacağını derpîş ederek sulh esnâsında hükûmet-i mülkiye ve aske- riye murahhaslarıyla Salîb-i Ahmer ve diğer cemʻiyât-ı ictimâʻiye aʻzâlarından mürekkeb bir komite teşkîli ile bunlar tarafından kalabalık şehirlerdeki sivil ahâlînin muhârebe gazlarına karşı muhâfaza ve sıyâneti esbâb u vesâilinin tedkîk ve taharrî olunmasını tasvîb eder". Sâbık Rhône aʻyân aʻzâsından Doktor Cazeneuve'ün teklîfi üzerine de Mösyö Richet, Achard, Moureu, Cazeneuve, Gley, Lapique, Balthazara, Sieur, Desprez, Delepine, Tıffeneau'dan müteşekkil bir komisyon gelecek Eylül ictimâʻında raporunu takdîm etmek üzere bu mesʼelenin mütâlaʻa ve te- dkîkine meʼmûr edildi. İlk ictimâʻda vukûʻ bulan nokta-i nazar teʻâtîsinde sivil ahâlînin sıyâneti için kâbil-i tatbîk iyi çârenin hânelerin mahzenlerinde yapılacak bazı taʻdîlât-ı mahsûsa ile birer ilticâgâha ifrâğı netîcesinde karâr kılındığını zannetmekdeyiz. Maksadı Brüksel Ehl-i Vukûflar Komisyonu'nun talebi vechile Fransa'da muhtelit komisyon teşkîlinden ibâret olan General Sieur'ün müdâhalesi pek büyük bir muvaffakiyet teʼmîn etdi ve bu teşkîlât el-yevm gün be-gün ilerlemekdedir. Yukarıdaki teblîgât üzerine kimyâ mesâilinde mütehassıs kimseler tarafından bu nevʻden diğer bir takım Fransız teşebbüsâtı vücûda getirildi. Bilhâssa 1915, [19]16, [19]17'de mevâdd-ı kimye- viye-i harbiye merkez müessesesinin sâbık iʻmâlât müfettişi olan Mösyö Pierre Tambute bu teşeb- büsâtın muharrik ve âmillerinden olup başlıca hedeflerini âtîdeki mevâd teşkîl eden millete nâfiʻ bir cemʻiyet, kimyâ harbine karşı sivil ahâlînin himâyesi hakkında bir birlik vücûda getirmeğe muvaffak olacağını ümîd etmekdedir: 1-Kimyâ harbinin ilgâsı için her gûnâ fiʻliyât ve teşebbüsâtda bulunmak 2-Halka gaz muhârebâtına karşı kendini muhâfaza vesâitini öğretmek husûsunda teşebbüsâtda bulunmak