HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 87 4542 Muhnik Gazâtın Memnûʻiyeti Hakkında 7 Haziran 1925 Proto[ko]lü Fransa Cumhûriyeti Hâriciye Nezâreti, Beynelmilel Salîb-i Ahmer Komitesi'nin vukûʻ bulan istifsârına karşı muhnik gazâtın memnûʻiyetine dâir Cenevre'de 7 Haziran 1925'de imzâ edilen proto- kolün Fransa, İtalya, Venezuella ile U.R.S.R. ve Avusturya taraflarından tasdîk edildiğini ve Liberya Cumhûriyeti'nin de buna iltihâk eylediğini 20 Ağustos 1928 târîhiyle bildirmişdir. _______________ İtalya'da İtalya Salîb-i Ahmeri tarafından Croce Rossa ( Salîb-i Ahmer ) nâmıyla neşrolunan aylık mec- mûʻanın geçen Haziran nüshasında General Baduel tarafından harb ve Salîb-i Ahmer nâmı tahtında General Attilio Ottolenghi'nin malzeme-i sıhhiyenin standardizasyonu hakkında bir mütâlaʻanâme- sinden bâhis güzel bir makâlesi çıkmışdır. İtalya ordusu levâzımât-ı umûmiye reîs-i sânîsi iken bilâhare üçüncü ordu levâzım reîsliğine nakil [ve] taʻyîn kılınan General Ottolenghi'nin Harb-i Umûmî'de mensûb olduğu mezkûr üçüncü ordu vezâif-i sıhhiyesine muʻâvenet etmek üzere İtalya Salîb-i Ahmeri verilmişdi. Bundan dolayı General Ottolenghi'nin Salîb-i Ahmer husûsundaki reʼyinin ne kadar salâhiyetkârâne ve bu bâbdaki hükmünün ne derece emniyete lâyık olacağı derkârdır. Bu makâle ilk defa olarak Henri Dunant'ın yüzüncü sene-i devriyesi vesîlesiyle Echie Commen- ti risâle-i mevkûtesinde intişâr ile Salîb-i Ahmer pîşdârânından Ferdinando Palasciano'nun hâtırasını yâd ve Salîb-i Ahmer'in harb esnâsındaki faʻâliyetinin pek ibtidâî bir ehemmiyeti hâiz olacağında ısrâr ve müstakbel muhâsamâtın [34] sivil ahâlîyi maʻrûz kıldığı mehâlik hakkında beyân-ı mülâhazât ederek nihâyet vermekdedir. Fîmâ baʻd muhnik gazât tarafından hücûma maʻrûz kalınacağı tehdîd ve tehlikesi ezhân-ı nâsda dâimî bir havf u hirâsı tevlîd etmekdedir ve bu tehdîdin bâr-ı sıkleti ileri hatlardan ziyâde bizzât vatan arâzîsini teşkîl eden mıntıka üzerine çökerek ihtiyârlar, kadınlar ve çocuklar gibi en zaʻîf mahlûkları ızrâr edecekdir. Bu muhâtaraya nasıl karşı konacak ve ne gibi mü- dâfaʻa teşkîlâtı yapılabilecek ve sivil ahâlî bu mehâliki istihfâf edecek kuvve-i maʻneviyeyi nereden bulacaklardır? Posof Kazâsı Hilâl-i Ahmer İdâre Heyʼeti