HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 87 4543 General Ottolenghi, zâten Salîb-i Ahmer'in bu ihtiyâca mukâbele etmekle iştigâl etmiş olduğu- nu bi'l-beyân 16 Kânûn-ı Sânî ve müteʻâkib günlerde Brüksel'de ictimâʻ eden ehl-i vukûflar konfe- ransının mesâʻîsini hulâsa ediyor ve bu konferansdan intihâr-ı fırsatla İtalya Salîb-i Ahmeri'nin milli- yet nokta-i nazarından bu mesʼele ile meşgûl olarak faʻâliyet göstermesini, halkı muhtelif propaganda vâsıtalarıyla haberdâr etmesini âkiseler ve sinemalarla seyâhatler tertîb ederek gezdirilmesini; sivil ahâlîyi muzırru's-sıhha gazâtdan vikâye edecek maskeler istiʻmâli lüzûmuna iknâʻ eylemesini ve bun- ların istiʻmâllerine ünsiyet peydâ etdirilmesini taleb eyliyordu ve amelî bir netîce istihsâl olunduğu tahakkuk etdikden sonra da beynelmilel komisyonun mesâʻîsine iştirâk etmenin vakt-i merhûnu hulûl etmiş olacağından bununla iştigâl etmeli diyordu. Generalin her şeyden ziyâde arzu etdiği şey halkın atâleti terk ederek bir muhâsama vukûʻu hâlinde kendisini beklemekde olan hakîkî mehâliki takdîr eyleyebilmesidir. Bu gibi ahvâli gülümseyerek veya başını sallayarak şübhe ve tereddüd ve lâkaydî ibrâzı câiz olmadığını bilmesidir. Zîrâ şübhe ve tereddüd ve lâkaydî kimyevî harbin bâʻis olacağı mehâlikden daha ciddî ve mühim tehlikeler tevlîd edebilir. Müşârunileyhe nazaran Salîb-i Ahmer bu bâbda başka bir çâre bulunmasa bile propaganda ile olsun mücâdeleye mübâşeret edebilecek yegâne müessese addolunmalıdır. Faşist Terbiyesi 'nin ( Educazione Fasista ) Ağustos nüshasında Brüksel Konferansı ehl-i vukûf- larından biri olan Müderris Alessandro Lustig kısmen Julius Meiyer'in tedkîkâtına müstenid olarak muhârebe gazâtı istiʻmâlinin bir târîhçesini yapmakdadır. Müşârunileyh Lahey Mukâvelenâmesi, Versailles Muʻâhedesi, Cenevre Protokolü gibi kimyevî harbi tecrîm ve ithâm eden muhtelif ukûdu nazar-ı teftîşden geçirdikden sonra bütün bu taʻahhüdâta rağmen sivil ahâlînin iʻlân-ı harb hâlinde pek ziyâde mehâlike maʻrûz kalacağı netîcesini çıkarmakdadır. Nâkili: Doktor Ali Osman _______________ [35] On Üçüncü Beynelmilel Salîb-i Ahmer Konferansı Mukarrerâtından Son 23 Teşrîn-i Evvel'de Lahey'de inʻikâd eden On Üçüncü Beynelmilel Salîb-i Ahmer Konfe- ransı'nda Beynelmilel Salîb-i Ahmer Nizâmnâme-i Esâsîsi taʻdîl edilmiş ve yeni kabûl edilen nizâm- nâme-i esâsî Hilâl-i Ahmer Merkez-i Umûmîsi'ne de gönderilmişdir. Bu nizâmnâmenin Türkçe terce- me etdirdiğimiz bir sûretini aşağıya derc ediyoruz: _______________ Beynelmilel Salîb-i Ahmer Nizâmnâmesi Birinci Mâdde- Beynelmilel Salîb-i Ahmer, millî cemʻiyetlerle Beynelmilel Salîb-i Ahmer Ko- mitesi'ni ve Salîb-i Ahmer Cemʻiyetleri İttihâdı'nı ihtivâ eder. Beynelmilel Salîb-i Ahmer'in müzâ- kere hakkını hâiz en büyük makâmı beynelmilel konferansdır. Beynelmilel konferans bütün millî cemʻiyetlerin heyʼet-i murahhasalarıyla Cenevre Mukâvelelerine iştirâk eden devletlerin Beynelmilel Salîb-i Ahmer Komitesi ve Salîb-i Ahmer Cemʻiyetleri İttihâdı'nın murahhaslarından terekküb eder. Beynelmilel konferans hâlen mevcûd hukûk ve salâhiyetlerini muhâfaza eder ve ayrıca millî cemʻiyetlerin Beynelmilel Salîb-i Ahmer Komitesi'nin ve Salîb-i Ahmer Cemʻiyetleri İttihâdı'nın mesâʻîsini tevhîd vazîfesiyle mükellefdir.