HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 87 4544 Beynelmilel konferans, işbu nizâmnâmedeki ahkâm ile zîrde 11'inci mâddede gösterilen şekil- lerde yeni bir taʻlîmâtnâme ile mukayyed olmak üzere hâl-i hâzırdaki taʻlîmâtnâmesi ile idâre olun- makda devâm edecekdir. İkinci Mâdde- Konferans karârlar ittihâzı hakkına mâlikdir. Bununla berâber Salîb-i Ahmer Komitesi'yle Salîb-i Ahmer Cemʻiyetleri İttihâdı nizâmnâme-i esâsîlerini taʻdîl edemeyecekdir. Aynı vechile Beynelmilel Salîb-i Ahmer Komitesi ile Salîb-i Ahmer Cemʻiyetleri İttihâdı da Beynelmilel Salîb-i Ahmer'in ve konferansın karârlarına zıd ve konferans ile bunlar arasında takarrür eden iʼtilâflara mugâyir karâr ittihâz eylemeyeceklerdir. Üçüncü Mâdde- Beynelmilel konferans her dört senede bir defa ve eğer ahvâl ve vazʻiyet îcâb etdirirse iki senelik fâsılalarla toplanacakdır. Konferans, son konferans veya onuncu mâddede muhar- rer dâimî komisyon tarafından verilen salâhiyet üzerine millî bir cemʻiyetin merkez-i umûmîsi veya Beynelmilel Salîb-i Ahmer Komitesi veyâhûd Salîb-i Ahmer Cemʻiyetleri İttihâdı tarafından ictimâʻa daʻvet edilecekdir. Umûmiyetle konferansı kabûl etmek isteyen millî cemʻiyetlerle Beynelmilel Ko- mite ve Salîb-i Ahmer Cemʻiyetleri İttihâdı'nın arzuları tervîce gayret edilecekdir. Dördüncü Mâdde- Beynelmilel konferansın kadrosu dâhilinde murahhaslar heyʼeti ile müdür- ler heyʼetinin ictimâʻını istilzâm eder. [36] Murahhaslar heyʼeti ile Beynelmilel Salîb-i Ahmer Komitesi tarafından tanınmış millî cemʻiyetlerin murahhaslarıyla Beynelmilel Komite'nin ve Salîb-i Ahmer Cemʻiyetleri İttihâdı'nın murahhaslarından terekküb eder. Heyʼet reîsini kendisi intihâb eder. Müdürler heyʼeti ittihâdın nizâmnâme-i esâsîsi vechile teşkîl olunur. Konferansın riyâseti ile murahhaslar heyʼetinin ve müdürler heyʼetinin riyâseti kâʻide-i umûmiye olarak üç muhtelif kimse tarafından derʻuhde olunur. Murahhaslar heyʼetinin salâhiyeti şunlardır: a) Konferansın küşâdından evvel konferansın riyâset kaleminin nasıl ve kaç aʻzâdan mürekkeb olacağını tesbît ve reîs ile reîs vekîllerini ve kâtibleri intihâb etmek. Bu intihâblar konferansın tasvî- bine arz olunur. b) Konferansa arz edilen muhtelif mesâilin bir tertîb dâhilinde münâkayaşa vazʻ edileceğini tesbît eylemek c) Konferans veya dâimî komisyon tarafından kendisine tevdîʻ olunan teklîfât ve mesâil hak- kında beyân-ı reʼy ve îcâbında karâr ittihâz eylemek Müdürler Heyʼetinin Salâhiyetleri Salîb-i Ahmer Cemʻiyetleri İttihâdı'nın bir uzvu olmak iʻtibârıyla hâiz oldukları salâhiyetlerden mâʻadâ şunlardır: Konferans veya dâimî komisyon tarafından kendisine tevdîʻ olunan teklîfler ve mesâil hakkın- da beyân-ı reʼy ve îcâbında ittihâz-ı karâr eylemek Beşinci Mâdde- Millî cemʻiyetler, beynelmilel konferansa gönderecekleri mümessiller ile mu- rahhaslar ve müdürler heyʼetine gönderecekleri mümessillerin intihâbında serbestdirler. Bununla berâber millî bir cemʻiyetin murahhaslar heyʼetine veya müdürler heyʼetine gönderilecek bir murah-