HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 87 4545 has veya mümessilin evsâfı o cemʻiyetin beynelmilel konferansa göndereceği murahhasın evsâfına bağlıdır. Millî bir cemʻiyetin müdürler heyʼetine göndereceği mümessil bu cemʻiyetin murahhaslar heyʼeti için de murahhas olabilir. Altıncı Mâdde- Husûsî ve mıntıkavî konferanslar ancak mıntıkavî ve husûsî mâhiyetdeki mesâil ile iştigâl edebilecekler ve beynelmilel konferans tarafından halledilen veyâhûd müteʻâkib beynelmi- lel bir konferansın rûznâme-i müzâkerâtına dâhil mesâil hakkında karâr ittihâz edemeyeceklerdir. Bu husûsda iʻtirâz vârid olduğu takdîrde beynelmilel konferans onuncu mâddede muharrer dâimî komis- yonun reʼyini aldıkdan sonra ittihâz-ı karâr edecekdir. Müdürler meclisi, Beynelmilel Salîb-i Ahmer Cemʻiyetleri İttihâdı Nizâmnâmesi 'nde muharrer her iki senede bir defaki ictimâʻı için her iki konferans fâsılası arasında toplandığı takdîrde murahhas- lar heyʼeti de dâimî komisyon tarafından aynı zamânda aynı mahalle daʻvet edilir. Fakat bu daʻvetin on millî cemʻiyet veya Beynelmilel Komite ile beş cemʻiyet tarafından taleb edilmesi lâzımdır. Müdürler heyʼeti veya murahhaslar heyʼeti beynelmilel konferans hâricinde ictimâʻ etdikleri takdîrde konferans taʻlîmâtnâmesine nazaran konferansın dâire-i salâhiyetinde olan hiçbir mesʼele ile iştigâl [37] etmeyecekler ve beynelmilel konferansın mukarrerâtına muhâlif hiçbir karâr ittihâz edemeyecekleri gibi konferans tarafından halledilmiş mesâil ile konferansın müteʻâkib bir ictimâʻının rûznâmesine dâhil mesâil hakkında karâr veremeyeceklerdir. Yedinci Mâdde- Beynelmilel Salîb-i Ahmer Komitesi kendi nizâmnâme-i esâsîsine mâlik ve İs- viçre vatandâşlarının teşrîk-i mesâʻîsiyle vücûda gelmiş müstakil bir müessese olarak kalacakdır. Ko- mite Salîb-i Ahmer prensiplerinin nigehbânı olarak kalacak ve beynelmilel mukâvelâta hâl-i hâzırda mevcûd salâhiyetlerine ve kendisine verilmiş veya beynelmilel konferans tarafından verilecek olan salâhiyetlere tevfîkan her nevʻ insâniyet-perver faʻâliyeti îfâda devâm edecekdir. Komite millî Salîb-i Ahmer Cemʻiyeti'nin nazar-ı ıttılâʻına Cenevre Mukâvelenâmesi esâslarına tevfîkan teşkîl olunacak yeni millî cemʻiyetlerin teşekkülünü bildirir. Komite müdâhalesi bilhâssa harb ve dâhilî harblerde zarûrî görülen bî-taraf bir mütevassıt ola- rak kalacakdır. Sulh zamânında harbin netâyici olan âlâmın teskînine çalışmakda devâm edecekdir. Bundan mâʻadâ komite millî Salîb-i Ahmer Cemʻiyetleri ve Cenevre Mukâvelenâmelerine iştirâk eden devletlerin askerî teşkîlât-ı sıhhiyesiyle teşrîk-i mesâʻî ederek Salîb-i Ahmer'in harb zamânında faʻâliyetini teʼmîn için zarûrî olan mevâdd-ı sıhhiye ve müstahdemîn-i sıhhiyenin ihzâr ve inkişâfına çalışmakla muvazzafdır. Beynelmilel mukâvelelere mugâyir harekât iddiʻâsıyla vârid olacak her nevʻ şikâyât ve sûret-i umûmiyede tamâmen bî-taraf bir teşkîlâtın tedkîkine muhtâc olan mesʼeleler münhasıran Beynelmi- lel Salîb-i Ahmer Komitesi'nin dâire-i salâhiyeti dâhilinde kalacakdır. Sekizinci Mâdde- Salîb-i Ahmer Cemʻiyetleri İttihâdı işbu nizâmnâme-i esâsînin kabûlü günün- de merʻî nizâmnâmesinde taʻrîf edildiği vechile sulh zamânında amelî teşrîk-i mesâʻî mütekâbil ve müşterek muzâheret gâyesiyle toplanan millî Salîb-i Ahmer Cemʻiyetlerinin bir ittihâdından ibâretdir. Dokuzuncu Mâdde- Beynelmilel Salîb-i Ahmer Komitesi ve Salîb-i Ahmer Cemʻiyetleri İttihâ- dı yekdiğerinin faʻâliyet sâhalarına taʻalluk eden husûsâtda ve bilhâssa millî veya beynelmilel âfetler vukûʻunda yapılacak yardım mesâʻîsinde teşrîk-i mesâʻî ederler. Bu teşrîk-i mesâʻî Beynelmilel Komite'nin ve Salîb-i Ahmer Cemʻiyetleri İttihâdı'nın nizâmnâ- me-i esâsîlerine tevfîkan Beynelmilel Salîb-i Ahmer Komitesi nezdine ittihâd tarafından salâhiyetdâr bir mümessil ve ittihâd nezdine de kezâ Beynelmilel Komite tarafından salâhiyetdâr diğer bir mümes- sil taʻyîn edilmek sûretiyle teʼmîn olunur.