HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 87 4546 Onuncu Mâdde- Ber-vech-i zîr şekilde dâimî bir komisyon teşkîl edilmişdir: 1) Müteʻâkib konferansın hitâmına kadar vazîfede kalmak üzere beynelmilel konferans tarafın- dan mensûb beş aʻzâ. Bu aʻzâlardan birisinin ictimâʻa iştirâke mâniʻi olduğu takdîrde bu aʻzâ mensûb olduğu cemʻiyet aʻzâlarından bir tânesini yerine gönderebilir. [38] 2) Beynelmilel Salîb-i Ahmer Komitesi'nden iki mümessil 3-Salîb-i Ahmer Cemʻiyetleri İttihâdı'ndan iki mümessil Komisyonun nisâb-ı müzâkeresi beşdir. Komisyon bir konferansdan diğerine kadar vazîfelere devâm etmek üzere bir reîs ve bir reîs-i sânî taʻyîn eder. Komisyonun merkezi Cenevre'dedir. Muʻayyen bir husûsda istisnâî ahvâl îcâb etdirdiği takdîr- de dâimî komisyon reîsi tarafından müntehab ve aʻzânın ekseriyeti tarafından kabûl edilen başka bir yerde ictimâʻ edebilecekdir. Komisyon reîsinin daʻveti veya aʻzâlardan üçünün talebi üzerine toplanır. Dâimî komisyon beynelmilel konferansın îcâbında nihâî karârına iktirân etmek kayıd ve şartıy- la işbu nizâmnâme-i esâsînin tatbîk ve tefsiri hakkındaki iʻtirâzât ile Beynelmilel Salîb-i Ahmer Ko- mitesi veya ittihâd tarafından aralarında tekevvün eden ihtilâfât hakkında kendisine tevdîʻ olunacak mesâili halleder. Komisyon, konferansı kabûl eden memleketin Salîb-i Ahmer'i ile veya hâle göre Beynelmilel Komite ve ittihâd ile teşrîk-i mesâʻî ederek ve iki konferans tarafından tesbît edilen nukâta riʻâyet şartıyla müteʻâkib beynelmilel konferansın rûznâme-i müzâkerâtını ihzâr vazîfesiyle mükellefdir. Millî Salîb-i Ahmerler, Beynelmilel Komite ve ittihâd münâkaşasını şâyân-ı arzu gördükleri mesâilin rûznâmeye idhâlini dâimî komisyona teklîf edeceklerdir. Konferansın mahall-i ictimâʻı bir evvelki konferansda tesbît edilmediği takdîrde bunun tesbîti dâimî komisyona âiddir. Dâimî komisyon beynelmilel bir konferansın târîh-i daʻvetini istisnâî ahvâl- de teʼhîr veya taʻcîl etmek salâhiyetine mâlik olacakdır. On Birinci Mâdde- Beynelmilel konferans taʻlîmâtnâmesinin işbu nizâmnâmenin taʻyîn etdiği çerçeve dâhilinde ekseriyet-i sülüsân-ı ârâ ile ve müdürler heyʼetiyle murahhaslar heyʼetinin mütâ- laʻasını aldıkdan sonra tanzîm edecekdir. Konferans aynı eşkâle riʻâyet ederek işbu nizâmnâme-i esâsîyi taʻdîl edebilecekdir. Bununla berâber nizâmnâme-i esâsînin tekrâr tedkîkine âid her teklîf rûznâme-i müzâkerâta yazılacak ve altı ay mukaddem millî cemʻiyetler ile komite ve ittihâdın nazar-ı ıttılâʻına arz olunacakdır. On İkinci Mâdde- Muvakkat hükümler: a) Beynelmilel Salîb-i Ahmerler Cemʻiyeti Heyʼet-i Umûmiyesi mülgâdır. b) İşbu nizâmnâme-i esâsî, Beynelmilel Komite müdürler heyʼeti kendi nizâmnâme-i esâsîleri- ne mutâbık olduğunu beynelmilel konferansa veya dâimî komisyona bildirdikleri târîhden iʻtibâren mevkiʻ-i merʻiyete girecekdir. c) 14'üncü beynelmilel konferans 1930'da ictimâʻ edecekdir. d) Dâimî komisyonun ilk ictimâʻı en ihtiyâr aʻzâsının daʻveti üzerine vukûʻ bulacakdır. [39] MÖSYÖ MAX HUBER Beynelmilel Salîb-i Ahmer Merkez Reîsi Vefât eden Beynelmilel Salîb-i Ahmer Reîsi Mösyö Gustave Ador'un yerine intihâb edilen Mösyö Max Huber'in en son resimlerinden biri Beynelmilel Salîb-i Ahmer Cenevre Merkezi tarafın- dan Hilâl-i Ahmer Merkez-i Umûmîsi'ne ihdâ edilmişdir. Bu münâsebetle mezkûr komite tarafından Hilâl-i Ahmer'e yazılan bir mektûbda bi'l-mukâbele merkez-i umûmî reîsimizin bir fotoğrafı taleb edilmişdir.