HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 87 4548 1899 senesinden 1901 senesine kadar yani iki sene zarfında İngiltere, Rusya, Sibirya, Aksâ-yı Şark, Avustralya ve Cemâhîr-i Müttefika-i Amerika'yı tedkîk maksadıyla gezmiş ve en nihâyet Zürih Dârülfünûnu'nda hukûk-ı beynelmilel ve hukûk-ı âmme tedrîsine başlamış ve hukûk-ı beynelmilele âid bir hayli neşriyâtda bulunmuşdur. 1921 senesinde Cenevre Dârülfünûnu'nda Philosophie Honoris Causa doktoru unvânını aldık- dan sonra Felemenk Academy Royali'nde Hukûk-ı Beynelmilel Enstitüsü aʻzâsı taʻyîn edilmişdir. 1907 târîhinde Lahey'de inʻikâd eden ikinci sulh konferansına İsviçre delegesi olarak iştirâk etmiş ve bilâhare Bern şehrinde 1913'den 1921 senesine kadar kısm-ı siyâsî hukûk müşâviri olmuş ve 1918'den 1921 senesine kadar Cemʻiyet-i Akvâm ve hakem mukâveleleri ve uzlaşma mesâili ile teva- ggul eylemişdir. 1919 ve 1920 senelerinde sulh konferanslarında ve ez-cümle Cemʻiyet-i Akvâm ve meclis-i âlîsinde mühim vazîfeler derʻuhde etdiği gibi Cemʻiyet-i Akvâm'ın ilk ictimâʻında İsviçre ih- tiyât delegesi taʻyîn edilmiş ve Aland Adaları ve Blüküs? komisyonlarında aʻzâ sıfatıyla çalışmışdır. Mösyö Max Huber, 1921 senesinden beri Lahey'de Beynelmilel Meclis-i Âlî-i Dâimî-i Adlî ha- kemlerinden bulunmakdadır. 1925 ve 1927 senelerinde bu meclise riyâset etmişdir. 1923 senesinden beri ayrıca dâimî hakem mahkemesi aʻzâsı sıfatıyla birçok beynelmilel ihtilâfâtda şahsen hakemlik etmişdir. Bütün dünyâca maʻrûf şahsiyetlerden biri bulunan Mösyö Max Huber'in Beynelmilel Salîb-i Ahmer Merkezi Riyâseti'ni derʻuhde etmesi her hâlde beynelmilel insânî bir maksad ile çalışmakda bulunan cemʻiyetin muvaffakiyâtı için kâfi bir damândır. HİLÂL-İ AHMER HAVÂDİSİ Hilâl-i Ahmer Merkez-i Umûmîsi'nin İctimâʻı Hilâl-i Ahmer Merkez-i Umûmîsi, Teşrîn-i Sânî'nin onuncu Cumartesi günü sâʻat on birde Sıh- hiye ve Muʻâvenet-i İctimâʻiye Vekîli Doktor Refik Beyefendi'nin riyâseti altında muʻtâd ictimâʻını akdederek mühim mukarrerât ittihâz edilmişdir. İctimâʻın küşâdını müteʻâkib zabt-ı sâbıklar okunmuş ve aynen kabûl edildikden sonra Teşrîn-i Sânî'nin birinci günü Büyük Millet Meclisi'nin küşâdı münâsebetiyle reîsicumhûr hazretlerinin Büyük Millet Meclisi'nde îrâd buyurdukları nutuklarında Hilâl-i Ahmer'in zelzele ve kuraklık yerlerindeki yardımlarından bâhis parçalar heyʼet-i umûmiyeye arz ve reîsicumhûr hazretleri tarafından bu yar- dımlar münâsebetiyle Hilâl-i Ahmer'e karşı ibzâl olunan teveccüh ve iltifâtlar münâsebetiyle Hilâl-i Ahmer hâmî-i muʻazzamı büyük Gâzî hazretlerine heyʼet-i idârece merkez-i umûmînin taʻzîmât ve şükrânlarının arzı karârgîr olmuşdur. Müteʻâkiben Reîs Doktor Refik Beyefendi tarafından cemʻi- yetin vazʻiyet-i mâliyesi hakkında heyʼet-i umûmiyeye îzâhât verilmiş ve cemʻiyetin mâlî vazʻiyeti mûcib-i memnûniyet görülmüşdür. Bundan sonra İstanbul mekteblerinde okuyan fakîr çocukların bazı makâm ve müessesât ve zevât tarafından vukûʻ bulan teberuruʻâtla devâm etmekde iken bu teberruʻâtın bu sene vâkiʻ olma- ması yüzünden iʻâşelerinin katʻ edildiği yolunda bazı gazetelerde görülen yazılar üzerine bu iʻâşenin teʼmîn-i devâmı için merkez-i umûmînin bir mikdâr muʻâvenetde bulunması müzâkere edilmiş ve netîcede her ay bin lira olmak üzere bir sene için bu husûsa 12.000 liranın tahsîs edilmesi takarrür etmişdir. Bu karârı müteʻâkib 15 Teşrîn-i Sânî'de inʻikâd edecek olan Tayyâre Cemʻiyeti umûmî kongre-