HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 87 4549 sine Tayyâre Cemʻiyeti Nizâmnâme-i Esâsîsi mûcebince Hilâl-i Ahmer'den de iki murahhasın iʻzâmı lâzım gelmekde olduğuna dâir Tayyâre Cemʻiyeti Merkez-i Umûmîsi'nden vârid olan tezkere okun- muş ve merkez-i umûmî aʻzâsından Isparta Mebʻûsu Mükerrem ve Cemʻiyet Kâtib-i Umûmîsi Dok- tor Asım İsmail Beyefendilerin Hilâl-i Ahmer Cemʻiyeti'ni temsilen Tayyâre Cemʻiyeti kongresine iştirâkleri karârgîr olmuşdur. Baʻdehû Hilâl-i Ahmer'in bidâyet-i teessüsünde merkez-i umûmî aʻzâsından olup Abdülhamid devrinde Hilâl-i Ahmer'in kapatılması üzerine otuz sene cemʻiyete âid on beş bin altın lirayı bankada nâmına muhâfaza ederek Meşrûtiyetin iʻlânıyla cemʻiyetin ihyâen teʼsîsinde aynen iʻâde eden müte- veffâ Doktor Della Suda Faik Paşa'nın hâlen ihtiyâc içinde bulunan âilesine yardım mesʼelesi görü- şülerek müteveffâ-yı mûmâileyhin Hilâl-i Ahmer'e sebk eden güzîde hizmetleri nazar-ı iʻtibâra alınıp âilesinin tehvîn-i ihtiyâcı için defʻaten bin liralık bir yardım yapılması ittifâkla kabûl edilmişdir. Yine aynı ictimâʻda Hilâl-i Ahmer müfettişlerinin [41] teftîş mıntıkaları merkezlerini esnâ-yı teftîşlerinde heyʼet-i idârenin teklîfi vechile masârıf-ı zarûriyelerini almaları tensîb edilerek harcırâh taʻlîmâtnâmesine bu husûsun ilâvesi karârlaşmışdır. Müteʻâkiben bazı merkez ve şuʻbelerle müessesât-ı resmiye ve husûsiyeye verilen maktûʻ mak- bûz, şefkat pulları ve kıymetli evrâkdan yangın, kazâ netîceleri ziyâʻa uğrayanların mahsûb muʻâme- lelerinin yapılması kabûl edilmişdir. Baʻdehû cemʻiyet kâtib-i umûmîsi Doktor Asım İsmail Bey, tafsîlâtı kısm-ı mahsûsumuzda görüldüğü üzere kuraklık mıntıkalarında şimdiye kadar yapılan yardımlarla geçen ictimâʻdan bu ic- timâʻa kadar heyʼet-i idârece ittihâz ve tatbîk ve icrâ olunan mukarrerât, muhtelif sûretlerle yapılan muʻâvenetler hakkında îzâhât vererek îzâhât-ı vâkıʻa tasvîb edilmişdir. Bu îzâhâtı müteʻâkib merkez-i umûmî rûznâmesinin sonuncu mâddesi olan merkez ve şuʻbe heyʼetlerinin intihâbâtının tasdîkine geçilerek mazbataları merkez-i umûmîye vürûd eden Bitlis, Ça- nakkale, Kastamonu, Erzurum, Siird, Burdur, Sivas, Artvin, Elaziz Hilâl-i Ahmer Merkezleriyle Kiğı Hilâl-i Ahmer Şuʻbesi heyʼet-i merkeziye ve idârelerinde vukûʻ bulan tebeddülât üzerine yeniden intihâb olunan zevâtın keyfiyet-i intihâbları tasdîk edildikden sonra sâʻat birde ictimâʻa nihâyet ve- rilmişdir. _______________ Della Suda Faik Paşa Âilesine Yardım Zarûretde kaldığından bahis ile müteveffâ zevcinin Hilâl-i Ahmer'e olan hizmetlerine binâen kendisine bir mikdâr muʻâvenetde bulunulmasına dâir Doktor Della Suda Faik Paşa âilesi tarafından vukûʻ bulan mürâcaʻat üzerine merkez-i umûmî ictimâʻı mebhasinde kabûl edildiğini yazdığımız bin lira İstanbul Hilâl-i Ahmer Merkezi vâsıtasıyla kendisine gönderilmişdir. Maʻlûm olduğu üzere Doktor Della Suda Faik Paşa, Abdülhamid'in bidâyet-i saltanatında ka- panan Hilâl-i Ahmer Cemʻiyeti'nin sermâye-i aslîsi olan 15.000 altın lirayı otuz sene gizlice bankada kendi nâmına muhâfaza etmiş ve Meşrûtiyetin iʻlânını müteʻâkib cemʻiyetin ihyâen teʼsîsinde hiçbir tarafdan taleb vâkiʻ olmadan meblağ-ı mezbûrun Hilâl-i Ahmer'e âid olduğunu bildirerek iʻâde edil- miş ve vefâtına kadar Hilâl-i Ahmer Merkez-i Umûmîsi aʻzâlığında cemʻiyete karşı güzîde hizmet- lerde bulunmuşdu.