HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 87 4550 Mûmâileyhin hâtırasına hürmeten cemʻiyetin ittihâz eylediği şu kadir-şinâsâne karâr çok yerin- de vâkiʻ olmuşdur. _______________ Karacaviran Halkının Teşekkürü Kuraklık mıntıkalarında muhtâcîne Hilâl-i Ahmer Merkez-i Umûmîsince yapılan un tevzîʻâtı dolayısıyla Çankırı'nın Karacaviran kazâsı ve mülhakâtı nâmına Hilâl-i Ahmer Merkez-i Umûmîsi'ne aşağıdaki telgrafnâme çekilmişdir: [42] "-Ankara'da Hilâl-i Ahmer Merkez-i Umûmîsi Riyâset-i Aliyyesi'ne, Kasabamız ve mülhakâtında sekiz kilodan altı yüz seksen altı nefer muhtâc-ı muʻâvenet zürrâʻa 5.500 kilo un tevzîʻ edilmiş olduğundan halkımızın en acıklı zamânında yardımıyla şefkat ellerini uzatan Hilâl-i Ahmer'inize bu bâbda teşekkür etme[ni]zi arz eylerim, efendim. 21 Teşrîn-i Evvel 1928 Halk nâmına Belediye Reîsi Sadık _______________ Hilâl-i Ahmer Merkez-i Umûmîsi'nde Askerî Murahhas Hilâl-i Ahmer Nizâmnâme-i Esâsîsi mûcebince Müdâfaʻa-i Milliye Vekâleti nâmına merkez-i umûmî ictimâʻlarında istişârî reʼye mâlik olarak hâzır bulunabilecek olan murahhaslığa Müdâfaʻa-i Milliye Vekâletince Askerî Sıhhiye Müfettiş Vekîli Mîralây Doktor Hüseyin Hüsnü Bey taʻyîn edil- mişdir. _______________ Hilâl-i Ahmer Merâkizi Bitlis'de Vâlî Kâzım Paşa hazretlerinin irşâd ve delâletleriyle ihyâen teʼsîs edilen Bitlis Hilâl-i Ahmer Heyʼeti müessis aʻzânın ictimâʻıyla heyʼet-i merkeziye aʻzâlıklarına eski Bitlis Mebʻûsu Arif, vilâyet idâre meclisi aʻzâsından Abdülbaki, Muhâsebe Başkâtibi Zeyneddin, tüccârdan Mollâ Mu- sazâde Talat, eski mebʻûs Sadullah, tüccârdan Zülfikarzâde Mehmed, Vilâyet İdâre Meclisi Başkâtibi Mehmed Ali, Evrâk Meʼmûru Sabri, tüccârdan Hemesanlızâde Osman, tüccârdan Kadızâde Yaşar, Küfrevîzâde Şeyh Abdülbaki, muhâsebe kâtiblerinden Hurşid Beyefendiler intihâb edilmişler ve vâ- kiʻ intihâb Hilâl-i Ahmer Merkez-i Umûmîsince tasdîk edilmişdir. İhyâen teʼsîs eden Bitlis şuʻbemize mesâʻîlerinde muvaffakiyetler temennî ederiz. * Elaziz Hilâl-i Ahmer Merkezi idâre heyʼeti riyâsetine intihâb edilen Hükûmet Tabîbi Doktor Ahmed Ali, ikinci riyâsete Çorbacızâde Mustafa, muhâsibliğe Kebanlı Hâfız Mustafa, kitâbete Em- râz-ı Akliye Hastahânesi Eczâcısı Kadri, veznedârlığa Mertutlu Mustafa Bey ve Efendilerin;