HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 87 4552 Operatörü İsmail Hakkı, Sâhil Sıhhiye Merkezi Başdoktoru Râsih, Orta Mekteb Müdürü Hamdi, Yeni Eczâhâne Sâhibi meclis-i umûmî aʻzâsından [44] Tahsin, Orman Müdürü Tevfik, Belediye Reîsi Veli, Sâhil Sıhhiye Merkezi Doktoru Rahmi, Jandarma Mektebi Doktoru Ali Mehmed, meclis-i umûmî aʻzâsından Ahmed Zeki, tüccârdan Ali Haydar, Sabri, Mahmud, Levi Gurmezano Bey ve Efendilerle Belediye Reîsi Veli Bey'in vâlideleri Adile ve Belediye Kâbilesi Nasib Hanımlar intihâb edilmişler ve bu zevâtdan heyʼet-i idâre birinci reîsliğine Operatör İsmail Hakkı, ikinci reîsliğine Doktor Râ- sih, muhâsebeciliğine Orta Mekteb Müdürü Hamdi, veznedârlığa meclis-i umûmî aʻzâsından Tahsin, kâtibliğe Orman Müdürü Tevfik Bey ve Efendilerin intihâbları * Kezâlik Erzurum Hilâl-i Ahmer Merkez Heyʼeti aʻzâlıklarına tüccârdan Şamlızâde Canib, Alyanakzâde Tahsin, Karslı Mustafa Efendizâde Rifat, Solakzâde Neşʼet, Haşim Beyzâde Tevfik, Sıhhiye ve Muʻâvenet-i İctimâʻiye Müdürü Şerif, Ticâret Reîsi Sadreddin, tüccârdan Şeyhlerzâde Os- man, Nail, Hükûmet Tabîbi Salim, Numûne Hastahânesi Başdoktoru Şefik, Operatör Tevfik, Matbaʻa Müdürü Maksud, tüccârdan Nuhi Beyzâde Nafiz Bey ve Efendilerle Muʻallim Samiye Hanımefendi intihâb edilmişler ve bu zevâtdan heyʼet-i idâre birinci reîsliğine tüccârdan Şamlızâde Canib, ikin- ci reîsliğe Alyanakzâde Tahsin, muhâsibliğe Karslı Mustafa Efendizâde Rifat, veznedârlığa Haşim Beyzâde Tevfik, kâtibliğe Solakzâde Neşʼet Beylerin intihâbları merkez-i umûmîce tasdîk edilmişdir. Cümlesinden hayırlı işler ve muvaffakiyetler bekleriz. _______________ Hilâl-i Ahmer Fâhir Aʻzâları 23 Nisan [1]928 târîhinde inʻikâd eden Hilâl-i Ahmer Meclis-i Umûmîsi karârıyla Hilâl-i Ah- mer'e mâddeten ve maʻnen güzîde hizmetleri sebk eden zevâta "fâhir aʻzâlık" unvânı tevcîh edilmiş- di. Fâhir aʻzâlara mahsûs hüviyet cüzdânları ihzâr kılınmış olduğundan bu zevâta merkez-i umûmî tarafından hüviyet varakaları gönderilmeğe başlanmışdır. Bu nüshada fotoğraflarını derc eylediğimiz fâhir aʻzâdan Hakkı Bey uzun senelerden beri Kocaeli Hilâl-i Ahmer Merkezi Riyâseti'ni muvaffaki- yetle îfâ ederek cemʻiyete güzîde hizmeti ve kıymetli yardımları sebk etmişdir. Kezâlik Sinop Hilâl-i Ahmeri fahrî kitâbetinde uzun seneler çalışan Hilmi Bey Hilâl-i Ahmer'e kıymetdâr hizmetler îfâsına muvaffak olmuşdur. Kendilerini tebrîk ederiz. _______________ Tosya'nın Eğzen Köyü Yangını Kastamonu vilâyetinin Tosya kazâsı Eğzen köyünde yangın vukûʻu Kastamonu Hilâl-i Ahmer Merkezi'nden bildirilmesi üzerine merkez-i umûmîce bu köy muhtâcînine beş yüz lira mikdârında muʻvenetde bulunulması karârlaşmışdır. Bu para Kastamonu idâre-i husûsiye büdcesinde Hilâl-i Ah- mer'e tahsîsen mevcûd olan yardım tahsîsâtından verilmişdir.