HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 87 4557 Palanga Maʻden Suyu Belgrad ve Niş şimendifer hattı üzerinde ve doksanıncı kilometrede kâin olan bu mahalde su için lâzım gelen teʼsîsât mükemmel bir sûretde inşâ edilmişdir. Maʻden suyu hâlen husûsî bir konsor- siyum tarafından Salîb-i Ahmer Cemʻiyeti hesâbına işletilmekdedir. 1929 senesinden iʻtibâren bunu ya cemʻiyet bizzât kendisi veyâhûd ayrı ve yeni bir konsorsiyum işletecekdir. Piyango Salîb-i Ahmer menfaʻatine teʼsîs edilen bu piyango 1907 senesinde işe başlamışdır. Senede dört keşîdesi vardır. Komiteleri teşkîl eden aʻzâlardan taʻahhüdleri mukâbilinde alınan vâridâtdan yüzde ellisi ma- hallî komitelerin masraflarına ve emirlerine bırakılır ve yüzde yirmi beşi de merkez-i umûmîye gön- derilir. Aʻzâ-yı dâimeden cemʻiyete senevî kırk dinar verenlere cemʻiyetin vâsıta-i neşr-i efkârı bu- lunan mecmûʻa meccânen gönderilir. Salîb-i Ahmer'in gençler teşkîlâtına gelince; bunun aʻzâ adedi hâlen iki yüz bine bâliğ olmuşdur. Her yerde olduğu gibi burada da bu gençlik teşkîlâtına pek büyük bir ehemmiyet atfedilmekdedir. Bu arz etdiğimiz devâir komite ve aklâm, şuʻbeleri Belgrad'da cemʻiyetin kendi mâlı olan bü- yük bir binâ dâhilinde çalışır. Cemʻiyetin Belgrad'da merkez-i umûmî binâsından mâʻadâ ikişer katlı ve altlarında büyük ma- ğazaları câmiʻ üç binâsı daha vardır ki, bunlar cemʻiyete yekûnleri kabarıkça bir vâridât teʼmîn eder- ler. Niş'de cemʻiyetin mağaza ve depoları, şuʻbe binâsı, Kragujevac'da şuʻbe binâsı, Belgrad'da hastabakıcı mektebi binâsı, Oğiçe'de? şuʻbe binâsı, Kopençiga? şehrinde Salîb-i Ahmer hastahânesi, Saraybosna'da ve Tenovo şehrinde inşâ edilmekde bulunan binâlar cemʻiyetin mâlıdır.