HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 83 4317 Çocuk vefeyâtının önüne geçilecek tedâbîrden diğer bir kısmını da sırasıyla aşağıda okuyaca- ğız. Bunlar da: - Doğumdan evvel vâlide ve bebeğe dikkat - Vaktinden evvel doğan çocuklara mahsûs hastahâneler açmak - Süt damlaları - Anneleri tenvîr eden dispanser ve bakımevleri teʼsîsi - Sıhhat-i umûmiye hemşîreleri yetiştirmek - Anne sütüne teşvîk etmek - Bir yaşına kadar çocukları mecbûrî olarak mütehassıs etıbbâ tarafından nezârete almak - Temiz ve sâf süt teʼmîn etmek [529] - Pastörizasyon usûlünü vazʻ etmek - Şehirlerin sıcak mevsiminden kaçmak - İskân şerâitini tanzîm - Kalabalık mahalle ve evleri dağıtmak - Umûmî temizlik teʼmîn etmek - Îcâbı takdîrinde en sıhhî ve sâlim sunʻî tegaddî usûllerini öğretmek - Dizanteri vesâir bağırsak hastalıklarını tecrîd etmek - Teneffüs-i cihâzî hastalıklarından bilhâssa nezle, influenza, zâtürriʼeden tahaffuzdan ibâretdir. Vefeyâtı tenkîs programında: - Küçük Anneler Ligi - Service Sociale'de çalışanlar - Süt Damlaları - Ziyâretçi çocuk bakıcı hemşîreleri - Ebe ve çocuk mütehassıslarını yetiştirmek ve bunları asrî her tekâmül ile techîz etmekde pek mühim muvaffakiyât ibrâz eder. Bîkes ve metrûk çocukları müessesât-ı sıhhiyeden ziyâde husûsî çocuk yuvalarında (hom) ye- tiştirmek ve himâye etmek çok muvâfıkdır. Çünkü bu kabîl çocuklar husûsî nezâret ve himâyeye muhtâcdırlar. Bunlara bakacak ve yetiştirecek olanların bir anne şefkati ile mütehassis olmaları ve kendilerine mevdûʻ yavruyu büyütüp meydâna çıkarmağı mefkûre edinmeleri iktizâ eder. Yapılan is- tatistikler hom usûlünün intişârı üzerine bu kabîl çocuklardaki vefeyâtın önüne geçildiğini göstermiş- dir. Bilhâssa İtalya, Almanya gibi memleketlerde metrûk ve evlenmemiş annelerin çocukları gitdikçe tezâyüd etmekde olduğu cihetle bu misillü müessesâtın sene be-sene adedleri de tekessür etmekdedir. El-hâsıl-ı kelâm çocuk vefeyâtını tenkîs millî bir mesʼeledir. Bu husûsda gerek hükûmet ve gerekse millet mütekâbilen vazîfedâr ve mesʼûldürler.