HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 83 4318 Bütün âileler, bilhâssa ebeveyn çocuk ölümü ile alâkadâr olacak derecede vatanda müşterek yeknesak bir hassâsiyet teşekkül etmelidir. Her bir köy ve kasabada çocuk vefeyâtını taʻkîb eden bir heyʼet ve zümre, bir taʻazzuv ve teşekkül olmalıdır. Bu zümre aʻzâsı her çocuk ölümüne karşı hareke- te gelmek ve esbâb-ı vefâtı çocuğun ebeveynine îzâh etmek mecbûriyetinde kalmalıdır. Vatanımızın herhangi bir köşesinde kara topraklara gömülen her bir vatan yavrusunun vatanın temel taşlarından birisinin ziyâʻı gibi telâkkî edecek bir seviyeye yükseldiğimiz anda herkesin gıbta edeceği bir şân ve zafer âbidesi teʼsîs edeceğimize şübhe yokdur. Millet ve memleketin refâh u saʻâdetini arzu eden bütün münevverânı, ictimâiyâtçıları, hocaları ve doktorları bu mefkûre üzerine daʻvet ediyor ve çocuk vefeyâtını tenkîs gâyesini hedef ittihâz ede- rek işe başlamalarını diliyoruz. İNSÂNLARAVE MESKENLERE MUSALLAT OLAN TUFEYLÎ HAYVÂNLAR 1 (81'inci nüshadan mâbaʻd) Gıdâdan mahrûm olan bir tufeylînin ne kadar zamân yaşayabileceğinin maʻlûm olması itlâf ve imhâsı nokta-i nazarından cidden hâiz-i ehemmiyetdir. Maʻamâfîh [330] bu husûsda ashâb-ı tecrübe- nin efkâr ve mütâlaʻâtında mahsûs bir fark mevcûd olduğu gibi yapılan tecârübün muʻtiyâtı ekseriyâ sarîh ve katʻî de değildir. Kâhil yani kemâle gelmiş bitin açlığa mukâvemetini gösterir cedvel: Derece-i Harâret Şerâiti Bitin Müddet-i Hayâtı Tücrebeyi Yapan 36 Yâbis 3 gün Bacot 34 - 1 gün Hatman An 25 ilâ 29 - 3 ilâ 5 gün Hatman 24 Râtib 3 gün Bacot 16'dan 18 Yâbis 4 ilâ 7 gün Bacot 12'den 15 " 7 ilâ 9 gün Hatman 15 " 3 ilâ 4 gün Nuttal 15 - 5 gün Nuttal 5 - 3 x 1/2 gün Nuttal 5 - 3 gün Nuttal Hâlbuki muhîtinin ve yaşadığı mahallin şerâit-i tâliyesi haşerâtın açlığa karşı mukâvemetini taʻdîl etmediği zannolunmakdadır. Kum içine vazʻ edilen bir bitin kuvve-i mukâvemesi elbise, kumaş, ot ve saman vesâire içinde bulunan kehlenin kuvve-i tahammüliyesinden farkı yokdur. *** Bitin müddet-i ömrü bir kısım müelliflere göre 45-46 gündür. Umûmiyet üzere ömr-i vasatîsi 22-26 gün addedilmekdedir. 1 Bundan evvelki bahisler 69, 70, 71, 72, 73, 74, 75, 76 ve 81'nci nüshalardadır.