HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 83 4322 olan Paris ve civârında çok vâsiʻ mücâdele tertîbâtı alınmışdır. Nitekim bu vilâyetin bir hıfzıssıhha-i ictimâʻî idâre-i umûmiyesi vardır. Bu dâire tüberküloz tehlikesine karşı ictimâʻî mücâdeleyi idâre eden ve bu teşebbüsün mühim merkezleri olan sıhhî dispanserler teşkîl etmişdir. Nefs-i Paris'de yirmi belediye dâiresi vardır. Her dâire dâhilinde birer dispanser mevcûd ise de 13'üncü dâirede 2, 15'incide 2, 18'incide 3, 19'uncu da 2, 20'ncide 3'er tâne mevcûddur. Mecmûʻu 27'dir. Bunların vâzıh adresleri ve telefon nu- maralarını hâvî levhalar ekseri umûmî mahallerde asılıdır. Bu çeşid dispanserler Paris civârında 84 tânedir. Nitekim Asnières, Courbevoie, Puteaux ve Romaininville'de ikişer tânedir. Bu muʻazzam ve vâsiʻ teşkîlâtda herkese sıhhî vesâyâda bulunulur ve her türlü menâbiʻden mahrûm fakîr hastalara meccânî ve aynı zamânda bakteriyolojik, radyolojik ve hancereye müteʻallik muʻâyeneler yapılır. Bu "Dispensaire dʼHygiène Social" ve "Prèservation Antituberculeuse" teşkîlâtıyla berâber hastahâneler- de de şuʻbeleri vardır ve bunlar bazı servislerde mühim faʻâliyetlerde bulunurlar ve hastalarla dâimâ hâl-i muhâberededirler. Bütün bu teşkîlâtın reîsesi ve muʻâvineleri Salîb-i Ahmer hemşîrelerinden mürekkebdir ve hastahâne teşkîlâtında da bunlar bulunur. Taʻkîb etdikleri hastaların vâzıh adresleri mevcûd olduğu gibi mektûblarla hastalarına bazı şeyler sorarlar ve cevâbını alırlar. Bu ictimâʻî hıf- zıssıhha şuʻabâtı hastahânelerde yine Salîb-i Ahmer hemşîreleri taht-ı idâresinde cild ve frengi, çocuk hastalıkları, ale'l-umûm tıbbî hastalıklar, çocuk irzâʻı, cerrâhî ve tüberküloza müteʻallik husûsât ile de meşgûl olur. Nitekim Paris'de Pitié Hastahânesi'nde Profesör Marcel Labbe'nin haftada üç gün hâric hastaların muʻâyenelerinde bir hemşîre isbât-ı vücûd ederek bu hastaların tedâvîsi hakkında not alır- lar. Nitekim ayakdan tedâvîye gelemeyen hastaları da îcâbında evine kadar [534] giderek taʻkîb eder- ler. Hemşîreler kendilerine mevdûʻ işlerde aʻzamî ciddiyet ve gayret göstererek muntazam dosyalar tutarlar ve uhdelerine tevdîʻ olunan işleri dikkatle taʻkîb ederler. Bu sûretle bir nevʻ ziyâretçi hastaba- kıcılık işini de görmüş olurlar. Nitekim bu ziyâretçi hastabakıcılardan hastalar ve hekîmler çok müs- tefîd olurlar ve hekîmlerin vazîfelerini dâimâ teshîl ederler. Hele biz bu kadar vâsiʻ dispanser teşkîlâtı yapamazsak bile en gizli harîme bile girebilecek ve hastalık foyalarını haber verecek hastabakıcılar yetiştirmeli ve bunları bütün mahallelere taksîm etmeliyiz. Sulh zamânında gerek Salîb-i Ahmer ve gerek yine bu teşekkülün aynı olan U.F.F. Cemʻiyeti'nin çok güzîde hizmetleri vardır. Paris civârında Brénanne, Bicêtre, Jvry üç mühim ve havâdâr şehirde tüberköloz mahalleleri vücûda getirilmişdir. Hastaları burada oturtmağa mecbûr ederler. Nitekim bunlar üç sınıfa ayrılmışdır: 1) Biraz ilerlemiş ciğer veremine dûçâr olanlar. Bunların hastalıkları kâbil-i şifâdır ve devre-i sükûna dâhil olur. 2) Harâretle müterâfık ve müterakkî bir seyir gösteren hastalar. Bunlar yatakda kalmağa mec- bûr değildir. Yalnız iki-üç ay bir sayfiyede ikâmet etmekle hakîkaten müstefîd olurlar. 3) 2'nci sınıfdan daha ağır vakʻalardır. Harâretleri ya vardır veyâhûd yokdur. Hastalığın son devresine vâsıl olmuş değildirler. Bunlar sedye ile taşınmak mecbûriyeti olmaksızın seyâhat edebilir- ler. Yalnız hıfzıssıhha-i ictimâʻî noktasından şahsî tedkîk ve murâkabeye maʻrûz bırakılırlar. 1 ve 2'nci sınıfdakiler dâimâ derece-i harâret kâğıdlarını her mürâcaʻatda dispansere göstermek mecbûriyetindedirler. 3'üncü sınıfda olanlar meskenlerinde sıkı bir murâkabeye tâbiʻdirler. Görülüyor ki, bu çok ince işin taʻkîbinde çok şâyân-ı dikkat noktalar vardır. Ancak bu teşkîlât iledir ki, Fransızlar muvaffak olabileceklerdir. Şu muhakkak ki, tabâbetin bugün tüberküloz hakkında yapmağa başladığı mücâdele belki zamân gelecek tüberküloz vekâyiʻini azaltacakdır.