HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 83 4326 müvâzî bir sûretde devâm eder. Bu iki keyfiyet de vahîdü'z-zerre bir teʻâmül-i kimyevî-i muʻâdile ile kâbil-i ifâdedir. 9 yaşından sonra amelî olarak zerre sâbit kalır. Bu sûretle şöylece düstûr elde edilir. K Ş K Ş 2 M B – 1 M B = S Burada S, süt hâsılâtıdır ve hayâtiyetin [538] kudretini gösteriyor. Taraf-ı sânînin birinci haddi sütün mikdârını gösteriyor. Süt yaşla tenâkus etmekdedir. Bu ihtiyârlık alâmetidir. Sütün tenâkusu hücrelerin faʻâliyetle- rinin azaldığını işʻâr ediyor. Genç, faʻâl bir hücrenin ifrâzı ihtiyâr hücreye nazaran daha kuvvetlidir. Taraf-ı sânînin ikinci haddi ise neşv ü nemânın yaş ile inhitâtını göstermekdedir. Bütün zî-hayât mevcûdâtda herem, neşv ü nemâ ile birlikde başlar. Auster Hot?, her zî-hayât mahlûkda hayât âmilleriyle ölüm âmilleri birlikde ve yekdiğerine müvâzî bir sûretde çalışır diyor. Ölüm vetîresi daha beyza hâlinde iken başlar. 1924 senesinde She- arer'in gösterdiği üzere dört günlük bir piliçde on günlük bir pilice nazaran faʻâliyet-i hayâtiye daha kuvvetlidir. Hayât doğmadan evvel yavaş yavaş hereme doğru gitmekdedir. Genç bir serumda neşv ü nemâ bulan bir ensice kitlesiyle yaşlı bir serum içerisinde neşv ü nemâ bulmakda olan ensice kitlelerinin neşv ü nemâ münhanîlerinde bir nisbet mevcûddur. Muhtelif yaşdaki tavukların hâsıl eyledikleri yumurta adedi bu tavukların serumlarında örülen ensice kitleleri mukâyese edilirse münhanîlerin yekdiğerine müvâzî oldukları görülmekdedir. İhtiyâr- lama, keyfiyetin mihânikiyeti hakkında muhtelif nazariyeler vardır. Hayvânât-ı âliyeye kâbil-i tatbîk olan âtîdeki şu dört nazariyedir: 1-Mollman'ın vücûdun sathıyla hacmi arasındaki nisbetsizlik nazariyesi 2-Tasallüb-i şerâyîn nazariyesi 3-Metchnikoff'un tesemmüm bi'n-nefsihî nazariyesi 4-Metaplazmanın tezâyüdü nazariyesi Bu nazariyelerden başka bi'l-cümle hayvânât ve zevi'l-hayâta kâbil-i tatbîk olan nazariyeler vardır: 1-Gırâî nazariye (floculation) 2-Hüceyrâtın plazma ve nüvesi arasındaki münâsebât 3-Tedevvür nazariyesi 4-Kimyevî nazariye Hayvânât-ı âliyeye kâbil-i tatbîk olan birinci nazariye esâs iʻtibârıyla kâbil-i isbât değildir. Tasallüb-i şerâyîn nazariyesini bâlâda îzâh etdik. Metchnikoff'un tesemmüm bi'n-nefsihî naza- riyesi nihâyetinde tasallüb-i şerâyîn nazariyesine müncer olur. Vücûdumuza dâhil olan mikropların bağırsaklar derûnunda ifrâz etdikleri sümûmu vücûd mass ve belʻ ediyor. Bu belʻ edilen zehirlerin taharrüşü netîcesi tasallüb başlıyor ve tasallüb-i şerâyîn aʻzâdan yalnız damarların sertleşmesidir. Yukarıda bahsetdiğimiz gibi bi'l-cümle uzuvlar sertleşir