HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 83 4330 ve onlara hâmızât-ı bevliyeye müncer olurlar. Faʻâliyet-i nüvenin iriliğiyle münâsebetdâr olacak daha doğrusu kromatine tâbiʻ bulunacak Bu sûret nucleo plazmik münâsebetin ehemmiyetini îzâh etmekdedir. Hüceyre ile nüve boyları [543] arasında bir münâsebet vardır. Bir hüceyrenin esnâ-yı inkâsımında soğuk icrâ-yı teʼsîr etdirile- rek nüvenin mürekkeb olduğu iki parçanın yekdiğerinden ayrılmasına mümânaʻat edilir ve bu sâyede muzâʻaf bir nüve daha doğrusu hacmi muzâʻaf bir hüceyre elde edilir. Ensicenin tekâmülü esnâsında nucleo plazmik münâsebetiyle berâber ensicenin faʻâliyeti de tenâkusa uğrar. İşte bu keyfiyetin ih- tiyârlama hâdisesinin menşeʼlerinden biri olması lâzım geliyor. Bu nokta-i nazardan asabî hüceyrât daha ziyâde şâyân-ı dikkatdir. Bu nevʻ hüceyreler tekâmül hâlinde iken birdenbire tekessürleri tevak- kufa uğrar ve adedleri sâbit kalır. Yalnız boyları uzamakda devâm eder. Nucleo plazmik münâsebete de tenâkus ârız olur. Hüceyrât-ı adale-i muhattata gibi azbî hücey- rât da yani ilmü'l-ensice ulemâsının ebedî diye tavsîf etdikleri silsileye dâhildir. Bunlar ancak mensûb oldukları şahısla birlikde olurlar. Diğer hüceyrât ise bunların hilâfı olmak üzere şahsın hayâtı devâm etdiği müddet esnâsında tekessür ve teceddüd ederler. Son nevʻler arasında kanı gevşek, kuvvetsiz hüceyrât vardır. Eliane le Breton ile George Schoeffer'in son mesâʻîleri nucleo plazik münâsebet husûsu meb- hasü'l-eşkâl sâhasından kimyâ sâhasına nakle delâlet etmekdedir. Bu sâyede mebhasü'l-hayât erbâbına yeni ufuklar açılıyor. İsimleri zikredilen âlimler gâyet sahîh fakat büyük bir sabırla taʻkîb edilebilen kimyevî ame- liyâtlara muhtâc usûllerle tavuk ruşeymlerinin nesclerinde azot purique ile azot total arasındaki münâsebetleri taʻyîn etmişlerdir ki, bu tarz nucleo plazmik münâsebâtın en mühim ifâde-i kimyevi- yesi olacakdır. Bu mesâʻînin başlıca netâyicini birkaç kelime ile ifâde edelim. Daha inkişâfın bidâ- yetinde yumurtanın tecezzî (segmantation) esnâsında nucleo plazmik münâsebet kıymet iʻtibârıyla çok yükselir. Fakat bu teşebbüsden sonra evvelâ serîʻ sonra yavaş yavaş batâet kesbeden sürʻati nevʻe göre mütebeddil bir sükût başlar. Bir ruşeymin kesri nucleo plazmik münâsebetinin mutlak kıymeti, neşv ü nemâ devrini (stade evolutif) tûl ve hattâ yaş kadar sıkı bir sûretde tavsîf eder. Nucleo plazmik münâsebâtın sükûtu -ki ihtiyârlama keyfiyetinin bir tezahürüdür- yumurtadan çıkan mahlûkâtda yumurtadan çıkmadan, hayvânât-ı nedbede ise tevellüdden evvel başlar.