HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 83 4365 Cemʻiyetin şâyân-ı dikkat ve takdîre lâyık mesâʻîsinden biri de Colombus şehrini nehrin sâhi- linden 800 metre geri çekerek bir tepe üzerine nakil ve yeniden inşâ edilmesidir. Evlerini inşâ veya taʻmîr edecek 50.000'den fazla âfetzedeye cemʻiyet muʻâvenetde bulunmuş ve bunlara ayrıca matbah, sofra takımı, elbise, mevâşî, kümes hayvânı, ot, tohumluk, âlât-ı zirâʻiye, yiyecek tevzîʻ etmiş ve haklarında îcâb eden takayyüdât-ı sıhhiyeyi yapmışdır. Salîb-i Ahmer'in tevzîʻ etdiği tohumla 672.000 hektarlık arâzî zerʻ edilmişdir. Cemʻiyetin yapdığı muʻâvenetlerin başlıcaları ber-vech-i zîrdir: Mevâdd-ı iʻâşe için 5.000.000 dolar Tohumluk için 2.500.000 dolar [570] Felâketden kurtarılan mevâşîye ot, saman vesâire mübâyaʻasına 2.500.000 dolar İnşâât ve taʻmîrâta 1.750.000 dolar Yapılan ve taʻmîr edilen meskenlerin mefrûşâtına 750.000 dolar Mevâşî ve kümes hayvânâtı mübâyaʻasına 300.000 dolar Mississippi feyezânlarında Salîb-i Ahmer'in muʻâvenet etdiği mültecîlerin mikdârı 672.000'dir. *** Amerika Salîb-i Ahmeri tarafından 1914 senesinde teʼsîs edilen ev hıfzıssıhhası ve hastalara ihtimâm kurslarını ikmâl edenlerin mikdârı yarım milyondan fazladır. Cemʻiyetin neşretdiği senelik son raporda şimdiye kadar mezkûr kurslardan şehâdetnâme alan- ların adedi 39.440'ı 1927 senesine âid olmak üzere 461.440'dır. _______________ Hollanda Hollanda Salîb-i Ahmeri mesâʻî ve icrâât-ı muhtelifesini halka tamâmıyla gösterebilmek mak- sadıyla yeni bir film çekdirmekdedir. _______________ Belçika Meclis-i Umûmî 6 Mayıs 1928 târîhinde Reîs Müderris Nolf'ün riyâsetinde ictimâʻ eden Belçika Salîb-i Ahmer Meclis-i Umûmîsi'ne takdîm kılınan senelik raporda cemʻiyetin 1922 senesinde aʻzâsı 3.000 iken 1927 senesinde 75.000'e ve merâkiz ve şuʻabâtın bu müddet zarfında adedi 57'den 152'ye ve Gençlik Salîb-i Ahmer aʻzâsı 1926'da 41.324 iken el-yevm 60.000'e bâliğ olduğu zikredilmekdedir.