HİLÂL-İ AHMER MECMÛʻALARI / CİLT 10

Türkiye Hilâl-i Ahmer Mecmû‘ası Sayı 83 4366 Yunan Malarya Mücâdelesi Malarya mücâdelesinde çizdiği programı ehemmiyetle taʻkîb eden Yunan Salîb-i Ahmeri'nin geçen kış idâre-i sıhhiye ile müştereken 16 şehirde verdiği sinema temsîllerini 100.000'den fazla hâ- zırûn seyr u temâşâ etmişlerdir. _______________ Bulgaristan Amerika Salîb-i Ahmeri İʻânesi Bulgar muhâcir âileleri nâmına Amerika Salîb-i Ahmeri yeniden 5.000 dolar teberruʻ etmişdir. _______________ Çin Çin Açlarına Muʻâvenet Çin Açlarına Beynelmilel Muʻâvenet Komitesi'nin 1928 Şubat'ında neşretdiği Bulletin 'de Şan- tung ve Şili eyâletlerindeki açlara muʻâvenet maksadıyla toplanan iʻâne yekûnunun 80.000 dolar tahmîn edildiği zikretilmekdedir. Bu meblağdan 20.000 dolar ile bir buçuk kilometre tûlünde bir kanal küşâd edilecek ve bunun için üç-dört bin aç Çinli istihdâm olunacakdır. _______________ Arjantin Salîb-i Ahmer'in Diş Muʻâyenehânesi Nizâmnâme-i esâsîsine tevfîkan teşkîlât-ı sıhhiyesinin terakkî ve inkişâfına son derece gayret eden Arjantin Salîb-i Ahmeri, her türlü diş ameliyâtını icrâ edebilecek mükemmel bir muʻâyenehâne açmışdır. Mesʼûl Müdürü: Arif Süleyman