HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 16 555 Hilâfet-penâh hazretleri Teşrîn-i Sânî'nin yirmi üçüncü günü sâʻat on birde Hilâl-i Ahmer Cemʻiyeti nâmına Reîs-i Fahrî Müderris Doktor Besim Ömer Paşa, Reîs-i Sânî Müderris Doktor Âkil Muhtar, Kâtib-i Umûmî Doktor Hikmet Beylerle heyʼet-i merkeziye aʻzâsından Aynîzâde Hasan Tah- sin Bey, Doktor Hakkı Şinasi, Ziya Nuri, Fuad Paşalardan ve Doktor Mehmed Ali, Azmi, Celâl, Fazlı Necib, Kemal Ömer ve Keresteciyan Beylerden mürekkeb heyʼeti kabûl buyurmuşlardır. Heyʼetin tebrîkâtını takdîm için Besim Ömer Paşa tarafından îrâd olunan nutka mukâbil Hilâ- fet-penâh hazretleri "Hilâl-i Ahmer'in pek küçükden, fakat temiz ve metîn esâslara müsteniden işe başlayarak az zamân içinde tabîʻî bir sûretde iktisâb eylediği vüsʻat ve kuvveti, ibrâz etdiği hidemât-ı âliyeyi takdîr ve bu gibi cemʻiyâtın memleketimiz için ne derece lüzûm ve müfîd olduğunu" tasvîr ile cemʻiyetin teʻâlîsi ve emsâlinin tekessürü için daʻavât ve temenniyât-ı hâlisa ızhâr buyurmuşlardır. Halîfe hazretleri bu gibi müessesât-ı âliyenin kıymetini takdîr edemeyen Ferid Paşa Hükûmeti tarafından Müdâfaʻa-i Milliye Cemʻiyeti gibi kavî bir müessesenin imhâ edilmiş olmasına beyân-ı te- essüfle "hükûmet-i sâbıka Hilâl-i Ahmer Cemʻiyeti'ni de yıkmağa, dağıtmağa çalışmış ise de aʻzânın hep azîm ve sebât sâhibi, nâmûskâr ve münevver zevâtdan mürekkeb ve muʻâmelâtın temiz ve dürüst olması sâyesinde bu büyük müesseseyi yıkmaya muvaffak olamadığını ve bu netîcenin sezâvâr-ı şükrân ve Hilâl-i Ahmer'in bugün bütün cemʻiyâta numûne-i imtisâl olmağa şâyân bulunduğunu" söylemişlerdir. Hilâl-i Ahmer Heyʼeti bu şerefli ve uzun mülâkâtdan, pek derîn ve taʻzîmkâr hissiyât ile ayrılmışdır. Hilâl-i Ahmer Mecmûʻası dahi hâk-i pây-ı Hilâ- fet-penâhî'ye taʻzîmât ve tekrîmât-ı minnetdârânesini arz u iblâğa müsâraʻat eyler. *** Zât-ı Hazret-i Hilâfet-penâhî, Hilâl-i Ahmer'e 500, Hilâl-i Ahmer Hanımlar Dârüssınâʻası'na 200 lira ihsân bu- yurmuşlardır. Cemʻiyetimiz, bu son teberruʻ-ı âlî-i Hilâfet-penâhî'den dolayı dahi arz-ı şükrân eder. _______________ Müderris Doktor Celâl Muhtar Bey'in Anadolu'daki Tahrîbât Hakkındaki Beyânâtı Hilâl-i Ahmer Cemʻiyeti Müfettiş-i Umûmîsi Müder- ris Doktor Celâleddin Muhtar Beyefendi'nin Türkiye → [93] Bu kere Türkiye Büyük Millet Meclisince makâm-ı muʻallâ-yı Hilâfet'e intihâb buyurulan Emîrü'l- Müʼminîn Halîfe-i Müslimîn Abdülmecid bin Abdülaziz Hân hazretleri Sa Majesté Abdul Medjid bin Abdul Aziz Khan, élu Khalife et Chef des Croyants par le Gouvernement de la Grande Assemblée Nationale de Turquie