HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 16 557 1910'da vefât eden Mis Nightingale, mesleğine âşık kalmakla berâber hastabakıcılığın [95] ilerlemesi için hayâtının sonuna kadar çalışmışdır. Beynelmilel Salîb-i Ahmer Cemʻiyeti mûmâileyhânın ismini tezkâra vesîle olmak için vazîfe- sinde fevkalâde yararlık gösteren hastabakıcılara verilmek üzere "Nightingale madalyası" nâmıyla bir madalya ihdâs etmişdir. Bu defa Beynelmilel Salîb-i Ahmer Cemʻiyeti, Harb-i Umûmî esnâsında en ziyâde temeyyüz eden hastabakıcıların bu madalya ile taltîfini düşünerek bütün Salîb ve Hilâl-i Ahmer merkezlerine tercemesi zîrde gösterilmiş taʻmîmi göndermişdir: "Cenevre, 28 Teşrîn-i Sânî 1922 Tahrîrât-ı Umûmiye Aded 216 Beynelmilel Salîb-i Ahmer Komitesi 1920 senesinde birinci defa olarak Florence Nightingale madalyasını tevzîʻ etmiş ve ismi ile sîmâsı mahkûk olan işbu madalyanın resm-i tevzîʻini bir şöhret-i cihân-şümûle mâlik olan âlî-cenâb hastabakıcının yüzüncü sene-i devriye-i vilâdetine tesâdüf etdir- miş idi. Madalyalar İngiliz dominyonları dahi dâhil olduğu hâlde yirmi muhtelif memleketin elli iki hastabakıcı kadınına iʻtâ edilmiş idi. Onuncu Beynelmilel Salîb-i Ahmer Konferansı'nın 31 Mart 1921 târîhli celsesinde Fransız Salîb-i Ahmeri'nin teklîfi üzerine nâmzedler meyânında şân u şeref maʻrekesinde terk-i hayât eden- lerin de kabûl ve idhâl edilmeleri taht-ı karâra alınmış idi. Komite, madalyanın yevm-i tevzîʻinin Mayıs'ın on ikinci günü olarak muhâfaza edilmesi, müessislerinin fikir ve niyetine de tevâfuk etmiş olacağı mütâlaʻasında bulunmasına binâen ikinci defa verilecek madalyaların 12 Mayıs 1923 târîhi- ne tesâdüf eylemesi ve tevzîʻ edilecek madalya mikdârının da on iki olarak taʻyîn ve tesbît edilmesi fikrindedir. Merkez komitelerinin bu bâbdaki teklîflerini esbâb-i mûcibe ve vesâikıyla ve istihkâkın taʻyîn derecâtının ilâvesiyle 31 Mart 1923 târîhinden evvel irsâl eylemeleri ricâ olunur". _______________ Refet Paşa'nın Hilâl-i Ahmer Hakkındaki Bir Takdîrleri Daha Refet Paşa hazretleri burada bulundukları sırada Hilâl-i Ahmer'in Kadıköy şuʻbesini teşrîf et- mişler ve şuʻbe reîsi ve aʻzâsı hanımlar ve beyler tarafından pek büyük ihtirâm ile kabûl edilmişlerdir. Şuʻbenin faʻâliyeti hakkında aldıkları maʻlûmât üzerine hidemât-ı mesbûkayı takdîren büyük kıtʻada bir fotoğrafîlerini hediye etmişler ve altına: "-Çok sevgili Hilâl-i Ahmer'in Kadıköy'deki çok müşfik şuʻbesine nişâne-i hürmet ve takdîr" cümlesini yazmışlardır. Hilâl-i Ahmer yeniden takdîm-i teşekkürât eder. _______________