HİLÂL-İ AHMER MECMÛʻALARI / CİLT 2
Türkiye Hilâl-i Ahmer Mecmû‘ası Sayı 16 558 Ankara Hilâl-i Ahmer Murahhaslığı'nın Faʻâliyeti Ankara'ya daʻvet edilen Hilâl-i Ahmer Müfettiş-i Umûmîsi Müderris Doktor Celâl Muhtar Bey, orada Sıhhiye ve Muʻâvenet-i İctimâʻiye Vekâleti Vekîli Doktor Tevfik Rüşdü, Umûr-ı İctimâʻiye Müdürü Doktor Muhyiddin Celâl Beylerin iştirâkiyle akdeyledikleri ictimâʻda, Hilâl-i Ahmer Ankara Heyʼet-i Murahhasasınca verilen karâra göre imdâd-ı sıhhî heyʼetlerinin üç yüz otuz dokuz senesi [96] Nisan'ı [Nisan 1923] nihâyetine kadar bulundukları mıntıkalarda muhtâc-ı muʻâvenet ahâlîye eşyâ ve erzâk tevzîʻine devâm eylemelerini tensîb etmişlerdir. Şimdiye kadar tevzîʻ olunan eşyâ ve çamaşıra ilâveten kış ihtiyâcına bir dereceye kadar çâ- resâz olmak üzere battâniye ve yorgan adedinin otuz bine iblâğı karârgîr olduğu gibi otuz bin takım çamaşır, otuz bin çorab, beş bin kat elbise, dört bin çocuk elbisesi ve dört bin kadın elbisesi, on bin çift çarık, yedi bin fanila ve pamuklu daha tevzîʻ edilmesi karârlaşdırılmışdır. Bu müddet zarfında bittabʻ dispanserler dahi icrâ-yı muʻâvenetine devâm ederek muhtâcîn-i hastagânı meccânen tedâvî ve ilâclarını iʻtâ edeceklerdir. Dispanserler etıbbâsı aynı zamânda civâr köylerde de ihtiyâca göre çalışacaklardır. Heyʼetler mahallî Muʻâvenet-i İctimâʻiye Komisyonları vâsıtasıyla en ziyâde muhtâc-ı iʻâşe olanların mikdârını tesbît edecek ve bu gibilerin her ay büyüklerine on kilo ve on iki yaşından dûn olanlara ise beş kilo buğday aynen tevzîʻ edecekdir. Heyʼetler bir tarafdan bu sûretle faʻâliyetlerine devâm etmekle berâber diğer tarafdan mesken- siz kalmış ve en ziyâde muhtâc-ı muʻâvenet ahâlînin iskânı için meskenler inşâsı dahi taht-ı karâra alınmış ve bu husûsda Celâl Muhtar Bey'in tecrübe ve rüsûh-ı fevkalâdesinden istifâde edilmişdir. Kısmen İstanbul'dan ve kısmen mahallerinden tedârük edilecek malzeme-i inşâiye hemen tedârüküne tevessül edilecek ve en âcil ihtiyâcı olan yerlerden başlamak üzere en muhtâc ahâlînin iskânına baş- lanılacakdır. Hilâl-i Ahmer'in müteberriʻîn-i kirâmın arzularını tamâmen yerine getirebilmek için bu husûsda aʻzamî hizmeti îfâ edeceği teʼmîn olunmakdadır. İnşâât hakkındaki teşebbüsât, vesâit nokta-i naza- rından daha büyük sühûletlere mazhar olan İstanbul Hilâl-i Ahmer Merkez-i Umûmîsince teʼmîn edilecekdir. Bu sûretle Hilâl-i Ahmer'in iki-üç bin kadar mesken inşâ ve taʻmîr ederek takrîben on beş ilâ yirmi bin kişiyi iskân edeceği anlaşılıyor. _______________ Beynelmilel Salîb-i Ahmer ve Beynelmilel Himâye-i Etfâl İttihâdı Murahhaslarının Anadolu'daki Yunan Tahrîbâtı Hakkında Mühim Bir Raporu Beynelmilel Salîb-i Ahmer ve Beynelmilel Himâye-i Etfâl İttihâd Cemʻiyetlerinin Mösyö Henri Guénod ile Mösyö Rodolphe Haccius'u Manisa'ya gönderdiklerini 14'üncü nüshamızda yazmış idik. Mûmâileyhimânın vazîfelerine dâir bu iki cemʻiyete verdikleri mühim raporun bazı aksâmını terceme ve naklediyoruz: "-25 Eylül 1922 târîhinde İstanbul'a muvâsalat ederek ertesi gün Hükûmet-i Milliye'nin İstan- bul mümessili ve Hilâl-i Ahmer Reîs-i Sânîsi Hâmid Bey tarafından kabûl edildik. Hâmid Bey bizim Anadolu'ya girebilmemiz için Büyük Millet Meclisi'nin müsâʻadesini taleb etmişdi. Birkaç gün sonra Ankara'dan beklenilen cevâb [97] vürûd ederek sâha-i faʻâliyetimiz olmak üzere Manisa taʻyîn edildi. 4 Teşrîn-i Evvel târîhinde Hilâl-i Ahmer tarafından terfîk edilen Doktor
Made with FlippingBook
RkJQdWJsaXNoZXIy NTY0MzU=