HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 16 559 Vasfi Bey ile birlikde ve Pierre Loti vapuruyla İzmir'e müteveccihen hareket ederek bir gün sonra şehr-i mezkûra muvâsalat etdik. 6 Teşrîn-i Evvel'de İzmir Askerî Kumandanı General Nureddin Paşa ve Vâlî Mustafa Abdülhalık Bey taraflarından kabûl olunduk. Bu zâtlar, fecâyiʻi musavver levhanın şifâhen tasvîr edilmesi gayr-ı mümkin olduğunu söy- leyerek kurtarılan yerlerin vazʻiyet-i hakîkiyeleri hakkında yerinde müşâhedâtda bulunmamızı ricâ etdiler. Hükûmet şimendifer münâkalâtı yeniden teessüs eden tedâbîri ittihâz etdiği cihetle vâlî iʻâşe husûsunda vukûʻ bulacak imdâdın muvakkat ve muʻâvenetin en mühim cihetinin âfetzedegâna yor- gan ve malzeme-i inşâiye tedârükü olduğunu takdîr etmiş idi. Manisa, Kasaba, Salihli, Alaşehir'i ziyâret etmek üzere 9 Teşrîn-i Evvel târîhinde hareket etdik. Bu şehirler eski cebheden altmış kilometreden fazla uzakdır. 1918 senesinden beri ikimiz pek çok fecâyiʻe şâhid olduk. Fakat bu harâbât etrâfında ve henüz yüzlerinde korku ve şaşkınlık alâimi olan ahâlî arasından geçmemiz, bizim şimdiye kadar îfâ etdiğimiz vezâifin en müşkili olmuşdur. Vaktiyle maʻmûr olan şehirlerde yalnız tek tük birkaç hâne ve sağlam inşââtı yüzünden tahrîbâta dayanabilmiş ve fakat izʻâc ve telvîs edilmiş birkaç câmiʻ kalmışdır. Tahrîbâtdan kurtulan halk, tarlalarda, şedâid-i havâiyeye maʻrûzdur. Himâye-i Etfâl Beynelmilel İttihâdı tarafından tevzîʻ edilen 120.000 taʻyîn, günde bir çocuğa bir taʻyîn vermek şartıyla bâlâda isimleri zikredilen dört şehrin en muhtâc çocuklarına tevzîʻ edil- mişdir. Her şehirde Hilâl-i Ahmer ile hükûmet-i mahalliye ve eşrâf murahhaslarından mürekkeb bir komite, bu taʻyînlerin tevzîʻi ameliyesini bilâ-ifâte-i zamân derʻuhde etmişdir. 19-21 Teşrîn-i Evvel'de berâberimizde Doktor Vasfi Bey ve Doktor Kemal Bey oldukları hâlde şimendifer güzergâhında kâin istasyonları ziyâret etdik. Vazʻiyet, Manisa hattında müşâhede edilenin aynıdır. Aydın'daki Hilâl-i Ahmer dispanseri faʻâliyet-i tâmmede olup fâideli hizmetler îfâ ediyor. Kış mevsimi hasebiyle hastaların adedinin çoğalmasından korkuluyor. Bu hat üzerinde bir vagonda bir dispanserin tertîbi sûretiyle çok iyi hizmetler îfâ edilecekdir. Anadolu'daki müddet-i seyâhatimiz esnâsında hükûmet-i askeriye ve mülkiye ile münâsebât-ı hasenede bulunduk. Memleketin âdâtına riʻâyet etmek şartıyla bu cihetde hiçbir müşkilât derpîş edi- lemeyeceği kanâʻatindeyiz. Hükûmât-ı mahalliye hâricden gelecek muʻâvenetin transiyetini ve tev- zîʻini bittabʻ teshîl edeceklerdir. 180.000 kişiyi 1 zebûn eden böyle bir felâket karşısında cemʻiyât-ı hayriyenin lâkayd kalama- yacakları ve teşrîk-i mesâʻî etmek üzere teşkîlâtını, tecrübelerini Hilâl-i Ahmer'in emrine âmâde kıla- cakları husûsunda kanâʻat-i tâmmemiz vardır". _______________ Yunanistan'daki Türk Esîrleri Yunanistan'ın Leucade adasında bulundurulan esîr Türk zâbitlerinin birkaç aydan beri maʻâş almadıklarını ve gayr-ı sıhhî yerlerde iskân edilmekde olduklarını ve bu mesʼele hakkında Türkiye Büyük Millet Meclisi Hükûmeti Müdâfaʻa-i Milliye Vekâleti'nin talebi üzerine Yunan Salîb-i Ahme- ri'ne refʻ-i şikâyet etdiğimizi yazmış idik. 1 Bu aded, bu iki murahhasın ziyâret etdikleri yerler ahâlîsinin adedini gösterir.