HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 16 560 [98] Bu defa Yunan Salîb-i Ahmer Cemʻiyeti'nin Yunanistan Umûm Üserâ Müfettişliği'nden aldığı raporun bazı noktalarını buraya naklediyoruz: 1-Esîr Türk zâbitlerinin maʻâşlarını almadıkları hakîkate muvâfık değildir. Bilakis şimdiye ka- dar maʻâşlar verildi ve verilmeğe devâm olunuyor 2 . Yalnız bazı zâbitlerin bir karârgâhdan diğer ka- rargâha nakli ve teʼdiye senedâtının mefkûdiyeti sebebiyle de kısa bir teehhur vukûʻ bulmuş ise de zâbitânın mesʼûliyetleri altında vukûʻ bulacak beyânât-ı tahrîriyeleri mukâbilinde kendilerine bulun- dukları karargâhlardan teʼdiyât yapılması kabûl olunmuş ve bu sâyede teehhur yalnız kısa bir zamân devâm etmişdir. 2-Üserânın hıfzıssıhhaya mugâyir sûretde ibâte ve iʻâşesi hakîkate mutâbık değildir 3 . Çünkü her karârgâhda üserâ gerek iʻâşe ve gerek diğer husûsâtça Yunan askerlerinin tutuldukları muʻâmele- ye tâbiʻ tutulmakdadır. 3-Larissa'daki üserâ karargâhlarının her husûsça şerâit-i matlûbeyi hâiz bulundukları bu bâbda- ki raporların tedkîkinden anlaşılmışdır. Son zamânlarda Yunan idâresini kabâhatli göstermek üzere bu bâbda bir takım şikâyetli haber- ler işâʻa olunduğunu unutmayınız. Yakında bi'l-cümle karârgâhları teftîşe gideceğimden, mahallinde tedkîk edilmek üzere üserâya âid bi'l-cümle şikâyetleri bana bildirmenizi ricâ ederim. 6.11.[1]338 [1922] İmzâ Üserâ Müfettiş-i Umûmîsi" Mezkûr üserâ müfettişi tarafından üserânın ibâte ve iʻâşesi hakkında üserâ karargâhlarına teblîğ edilmiş olan emrin sûret-i mütercemesi dahi ber-vech-i zîrdir: "-Bi'l-cümle sivil ve harb esîrleri en müsâʻid şerâit dâhilinde iʻâşe ve ibâte edileceklerdir. Bi'l-cümle milel-i mütemeddine için pek tabîʻî ve elzem bir vazîfe-i insâniye olan üserâya âid hidemât için bi'l-cümle karârgâh kumandanları ve diğer zâbitânın, mâdûnlarını nezâret-i mütemâdiye altında bulundurmaları ve bana bu husûsda serîʻ ve fiʻlî semerât istihsâlini teʼmîn eylemeleri îcâb eder. Bu husûsda bizzât ânifü'z-zikr emirler hüsn-i sûretle tatbîkini teʼmîn için teftîşât yapacağımı ve verilen evâmire muhâlif ahvâle tesâdüf edersem karârgâh kumandanlarını mesʼûl tutacağımı ihtâr ederim". Yunanistan'da bulunan üserâmıza Yunan Hükûmeti tarafından tahsîs kılınan maʻâşâtın mikdârı ber-vech-i zîrdir: Livâ 1.200 drahmi Mîralây 1.000 drahmi Kâimmakâm 900 drahmi Binbaşı 800 drahmi Yüzbaşı 600 drahmi Mülâzım 500 drahmi 2 Mösyö Schatzmann'ın raporunda, Korfu adasında bulunan esîr zâbitlerimizin maʻâş almadıklarına ve şikâyetlerine dâir kayıd vardır. 3 Bu iddiʻâ, Mösyö Schatzmann'ın raporunun müteʻaddid fıkralarıyla taban tabana zıddır. ( Hilâl-i Ahmer Mecmûʻası )