HİLÂL-İ AHMER MECMÛʻALARI / CİLT 2

Türkiye Hilâl-i Ahmer Mecmû‘ası Sayı 16 561 Mülâzım-ı Sânî 450 drahmi Zâbit Vekîli 325 drahmi Bahriye Yüzbaşısı 600 drahmi Bahriye Mülâzımı 500 drahmi _______________ Üserâ Şuʻbemizin Faʻâliyeti Hilâl-i Ahmer Üserâ Şuʻbesi Müdüriyeti tarafından şuʻbe-i mezkûrenin hulâsa-i faʻâliyeti hak- kında cemʻiyetimiz kâtib-i umûmîliğine birer rapor verildi. Ehemmiyetine mebnî, bu raporun metnini aynen derc ediyoruz: "-Bir aydan beri şuʻbemiz, Yunanistan'da muhtelif mahallerde mevkûf bulunan üserâmızın ih- tiyâcât-ı muhtelifelerini teʼmîn için vukûʻ bulan mesâʻînin semerâtını iktitâfa ve bu sûretle mevkûf bulundukları mahallerde tamâmen irâʼe edilmemiş olmakla berâber sivil üserâdan bir kısmının liste- lerini elde etmekle vesâit-i resmiye ile para, paket irsâlindeki [99] imkânsızlık karşısında Amerikan Salîb-i Ahmer ve Genç Hıristiyanlar Cemʻiyeti delâletiyle para ve paket irsâlini ve bilâhare mektûb sevkini teʼmîne muvaffak oldu. Şark-ı Karîb Muʻâvenet Cemʻiyeti aʻzâsından Mis Billings vâsı- tasıyla her dürlü vesâit-i hayâtiyeden mahrûm bir hâlde bulunan üserâya tevdîʻ edilebilmek üzere Hilâl-i Ahmer nâmına bin lira tefrîk ve sevk edildi. Sâlifü'z-zikr cemʻiyetler vâsıtasıyla da üserâmıza muʻâvenet-i nakdiyede bulunulacağını istihbâr eyledi. Mis Billings v Mösyö Boude, karârgâhların sıhhî hâli hakkında Hilâl-i Ahmer Cemʻiyeti'ni tenvîr edecek raporlar tanzîm ve irsâlini derʻuhde ey- lediler. Sâlifü'z-zikr cemʻiyetlerin bu husûsdaki iştirâk-i mesâʻîsini, kendilerine Anadolu'da dahi aynı husûsâta çalışmak için müsâʻade edileceği hakkında hiçbir taʻahhüde mahal bırakmamak sûretiyle teʼmîn etmek mümkün oldu. Mösyö Franklin Bouillon tarafından Başkumandanlığa gönderilen mektûbda Paris'deki Yunan sefîrinin Yunanistan'da sivil üserâ bulunmadığı hakkında vukûʻ bulan beyânâtından bahsedilmesi üzerine sivillere âid vârid olan listelerden bir nüshası Paris Sefâreti'ne ve diğer nüshası Mösyö Frank- lin Bouillon'a irsâl olundu. Esîrlerimizin Anadolu'daki âilelerinden haber alamadıkları ve muhâbere ile diğer husûsâtda ıslâhât-ı lâzıme teʼmîn edilmesine mukâbil Anadolu'da dahi aynı muʻâmeleye başlanılacağı hakkında makâm-ı âidinden vârid olan teblîgât üzerine Yunan Salîb-i Ahmeri nezdinde teşebbüsât-ı katʻiyede bulunuldu ve bu husûsda eskisine nisbetle üserâyı memnûn edecek sûretde katʻî evâmir iʻtâsını ve bazı ıslâhât istihsâli teʼmîn ve makâm-ı âidi keyfiyetden haberdâr edildi. Son defa Yunan Salîb-i Ahmeri vâsıtasıyla para irsâli de teʼmîn edildi. Makâm-ı âidinden vukûʻ bulan teblîgât üzerine elîm mahbûsiyetler geçirdikden sonra nihâyet Yunanistan'ın muhtelif mahallerinde harb üserâsı ile birlik- de cemʻ edilen ve her gün aralarında vefeyât vukûʻ bulan sivil üserânın bu husûsda mevcûd hukûk-ı düvel kavâʻidine ve teʻâmül-i insâniyetkârâneye muhâlif olarak tevkîfi protesto edilerek tahliyelerine tavassut edilmesi ricâsıyla keyfiyetden Beynelmilel Salîb-i Ahmer dahi haberdâr edildi. Bu münâsebetle 10 Kânûn-ı Sânî 1338 [1922] târîhinden beri şuʻbece muʻâmelât-ı umûmiyeye âid 4.000, Anadolu'daki zâbitân ve efrâdın sıhhatleri hakkında 1.870, Yunanistan'daki üserâya âid ol- mak üzere Salîb-i Ahmer nezdinde 910, Anadolu'da şehîd olanların âilelerine maʻâş tahsîsi hakkında 410 mürâcaʻat taʻkîb ve intâc edilmiş ve Yunanistan'daki üserâmıza âid 32 liste ahz olunarak birçok fişlerin tanzîm ve ikmâliyle iştigâl olunmuş idiğini arz eder ve şuʻbede maʻiyetimde çalışan arka-